Lospalos: Timor-Leste Extractive Industries Tranparancy Initiative ( sigla Inglesh TL-EITI) kontribui reseitas millaun 302 ba kofre estadu iha 2020.
Koordenadór TL-EITI, Emilia dos Santos de Jesus, hatete, tuir relatóriu ne’ebé nia parte halo iha tinan 2020, orsamentu ne’ebé kompañia kontribui ba kofre estadu hamutuk, millaun $302, liu husi fundu mina-rai.
“Iha tinan 2020, hatama osan millaun 302. TL-EITI fahe informasaun ba sidadaun hotu, atu nune’e hatene nia servisu no ninia kontribuisaun”, koordenadór ne’e hatete.
Sorin seluk, Administradór munisípiu Lautém, Domingos Savio, hateten, diseminasaun ne’e, importante ba sidadaun atu hatene orsamentu refere.
“Programa ne’e husi Ministériu Petróleu Minerais ne’ebé sira mai halo disemina informasaun kona ba transparénsia ba ita nia utilizasaun orsamentu ba halo dezenvolvimentu durante ita ukun aan too agora”, dehan Domingos.
Entretantu diseminsaun relatóriu TL-EITI da-13 tinan fiskál 2020, hetan partisipasaun makas husi entidade governu kompañia petrolíferu inklui sosiedade sivíl.
Reportagen : Veru Fernades.
Editor : Black Angel
