Lospalos: Diresaun Nasionaál Transporte no Terrestre (DNTT) Munisípiu Lautem, hahú husi fulan Janeiru to’o Dezembru 2023 rekolla reseita hamutuk 67.279,50 ba kofre Estadu.
“Hahú husi fulan janeiro to’o fulan dezembru 2023, diresaun munisipál kobre reseita hamutuk $67.279.50 . Reseita hirak ne’e ita rekolla hodi registu veikulu foun, troka proprietáriu, troka naran, Lisensa operasaun, karta kondusaun no inspesaun husi motorizada no kareta sira,” Diretór DNTT Munisípiu Lautem, Eddy Correia De Lemos, dehan ba Lautem Post iha nia kna’ar fatin, kinta ne’e.
Nia informa karta livrente ne’ebé nia parte produz iha tinan kotuk kuaze rihun ida resin, maibé nain seidauk ba foti, tanba ne’e husu komunidade sira atu bele ba foti.
“Karta livrente agora produz iha lautem, iha tinan 2023 produz mil ital maibé barak mak iha nee hela, mais nain balun seidauk mai foti. Nune’e husu mós ba komunidade, ba sira ne’ebe sei ka’er hela karta livrente provizoriu bele mai aprezente hodi impreme ba sira”, nia apela.
Daudaun ne’e, nia dehan servisu munisipál DNTT hein hela printer karta kondusaun nian tanba iha hela prosesu, bainhira mai bele produz karta kondusaun iha munisípiu.
Reportagen: Nandez Veru
Editór : Helefatil
