APA Lore husu Konsellu Suku, Serbisu tuir Lei no sai serbidor diak ba povu
Lore: Liu husi seremonia agradesimentu ba Xefe suku eleitu no membru Konsellu Suku Lore 2, Administrador Postu Administrativu Lore, Munisipiu Lautém Carolino Da Silva enkoraza Xefe Suku eleitu no membru konsellu suku sira atu halao knar tuir lei ne’ebé vigora hodi sai servidor ba tomak iha suku Lore 2.
Administrador ne’e hateten liu husi atividade matak malirin tuir lisan Lautém nian, ne’e atu reforsa liutan hodi hametin demokrasia, unidade nasional, dame no paz hodi hare ba future. Ho nune’e bele dignifika luta herois ba Libertasaun nasional sira nian iha suku Lore 2.
“Serimonia agradesimentu ne’e enkoraza xefe suku no membru konsellu do suko, nune’e sira bele serbisu tuir regras no lei ne’ebé estabelese ona. Ho nune’e bele sai servidor ba povu tomak iha Lore 2.” Dehan carnolino hafoin serimonia Agradesimentu ba xefe suku foun, suku Lore 2 (19/02/2024).
Autoridade lokal ne afirma, wainhira eleitu ona nu’udar Xefe suku, labele serve povu balun deit maibe tenke sai servidor ba povu tomak iha suku lore 2.
Iha sorin seluk xefe suku Eleitu suku Lore 2 Eurico da Costa hateten, objektivu halo serimonia agradesimentu ne’e atu simu matak malirin hodi hametin unidade, paz no fo liman ba malu hodi dezenvolve suku Lore 2.
Tuir Eurico, suku Lore2 tenke dignifika herois ba libertasaun Suku Lore2 nian, hodi hamosu konkordansia entre povu suku Lore2 tomak. Atu wainhira mosu problema ruma iha suku laran, presiza fo neon ba malu, lolo liman nu’udar Feto sá Humane no hadomi malu nu’udar familia ida iha suku Laran hodi nahe biti bo’ot no resolve tuir lisan ne’ebe iha.
“Tuir ita nia kultura liu husi matak malirin bele fo liman ba malu, atu bele rekopera dezentedimentu sira ne’ebe akontese. Ita presiza kria kondisaun, atu nune’e bele hare malu diak hodi rekonsilia malu fila fali iha situasaun balun ne’ebe akontese.” Dehan sefe suku eleitu ne’e.
Alende ne’e, lider suku Lore 2 ne’e mos apela ba joventude sira iha suku Lore 2 atu hamutuk ho konseilhu sucu sira hodi hametin unidade no paz, ho nune’e bele lori dezenvolvimentu ba suku Lore 2.
“husu ba joven sira atu fo hanoin ba malu hodi tau interese ba suku ida ne’e, atu nune’e bele iha hakmatek no domin ba malu hodi fo dezenvolvimentu ba ita nia suku ne’e.” katak Eurico
Hatan ba ne’e reprezetante juventude sucu lore 2 Francelino Dos Santos Nolasco afirma, Juventude Lore 2 prontu serbisu hamutuk ho konseilhu suku sira hodi lori sira nia sucu hanesan mos ho suku sira seluk iha munisipiu Lautém.
“Ami prontu kotribui kualker aktividade ne’ebé iha, atu lao hamutuk ho konseilhu suku no intelektual Suku sira, oinsa atu suku ida ne’e diak hanesan mos ho suku sira seluk. No ami mos prontu atu apoiu ami nia maluk joven sira hodi kontribui ba ita nia nasaun liu liu kria dame, paz no seguransa”. Dehan Francelino.
Entretanto iha serimonia agradesimentu ne’e hetan partisipasan husi komunidade aldeia tolu iha suku lore 2, sosiedade sivil, comandante eskuadra Lore, inklui inan aman no juventude sira iha suku Lore 2.
Reportagen: Hala Veru.
Editor: Joenaca Tupa da conceiçã
