Losplaos: Prezidente autoridade Muninipiu (PAM) nomeadu hasoru malu ona ho prezidente Autoridade Munisipiu(PAM) Lautém hodi ko’ordena prosseu tomada de posse ne’ebe mak sei halao iha Salaun Administrasaun Munisipiu Lautém iha Tersa, Loron 5 Fulan Marco tuku 10:00 horas timor Leste nian.
Prezidente autoridade Muninipiu Lautém (PAM) nomeadu Melio de Jesus sente garadese ho PAM Lautém Domingos Savio ho nia sekertariu Jacinto da Costa Inklui funsionariu Administrasaun tomak ne’ebe mak ho vontade diak simu no kopera hamutuk ho PAM nomeado hodi bele prepara seremonia tomada de posse iha Tersa semana oin ne’e.
“Ne’ebe hau apresia ho sira nia disponibilidade no sira nia tempu hodi ami bele komunika ba malu no ko’ordena malu, atu nune’e bele lao ho diak tuir sekuensia seremonia ninian” katak PAM nomeado ne’e ba Lautém-Post iha Sesta(01/03)
Iha enkontru dahuluk ba ko’ordenasaun nian, Melio sente agradese tebes ba PAM atual ho nia secretariu ne’ebe simu ona PAM nomeado ho nia ekipa, hodi serbisu hamutuk atu bele ko’ordena konaba seremonia tomada de posse ne’e.
“Iha enkontru dahuluk ne’e ita komesa tama ba ona iha Pontus balun ne’ebe mak ita sei deside hamutuk atu oinsa sereminia ne’e bele lao ho diak tuir sekuensia sira ne’ebe iha”. Deahan PAM nomeado ne’e.
Melio haktuir, iha enkontru dahuluk ne’e koalia esensial liu ba konvite sira ne’ebe mak sei distribui babainaka VIP, ba familia no kolega sira, inklui entidades hotu ne’ebe mak sei konvida inklui koalia konaba nia orsamentu sira nomos fatin seremonia tomada de posse nian.
Iha Sorin seluk Prezidente komisaun organizadora Jacinto Da Costa informa, ba seremonia tomada de posse PAM foun ne’e, iha enkontru entre Administrasaun Munisipiu Lautém no ekipa Misnisteiru ESTATAL forma ona komisaun organizadora ida ne’ebe mak sei halo preparasaun tomak ba seremonia tomada de posse tuir sekuensia seremonia ne’ebe mak prepara ona husi ESTAL.
“Sekuensia ne’e naruk, ita sei prepara kona ba seremonia nian, sei kanta mos Hino nasional, seksaun protokolu mos sei organiza tan no sei prepara mos kondisoens iha sala ninian hodi simu membru guverno no simu PAM foun nian, ne’e ita sei organiza hotu”. Katak atual secretariu munisipiu ne’e.
Jacinto afirma, maske iha Loron ida deit(Segunda) hodi halo gladi, maibe parte komisaun sei utiliza hotu tempu feriadu sira hanesan Sabadu no Domingu hodi halo preparasaun sira.
“Fatin ita sei halo iha salaun administrasaun munisipiu ninian hahu husi tuku 10:00 ne’e seremonia solene hahu tia ona ne’ebe 8:00 dadersan ne’e atividade ita hahu tia ona to’o seremonia solene ne’e iha 10:00. Iha tersa semana oin”
“Tanba iha loron preparasaun ita iha loron ida deit atu bele halo gladi bersi, maibe ita sei esforsu iha loron feriadu sira, sabadu no domingu mos ita sei uza hotu ba halo preparasaun”. Nia subliña.
Kona ba nia orsamentu, Prezidente Komisaun ne’e haktuir parte administrasaun Munispiu Lautém nian sei suporta mos orsamentu oituan nomos husi parte familia mos sei suporta mos ba seremonia tomada de posse ne’e.
“ne’e orsida administrasaun Munispiu Lautém sei suporta orsamentu oituan ba iha atividade ida ne’e, nomos husi parte familia mos sei suporta ba seremonia tomada de posse ninian”. Katak nia
Entretantu kona ba konvidadus sira, parte komisaun fo Targetu hodi konvida ema 1000 ,ne’ebe mak sei mai husi Lideransa Lautém oan sira iha capital Dili, Iklui hirak ne’ebe assume hela kargu iha Orgaun Exekutivo no Legislativu sira, nomos eis titulares no veteranus sira, konvidadus sira husi sociedade sivil, partidus politikus no sefe suku sira hotu, inklui mos funcionarios sira.
Reportage: Ekipa Lautém-Post
Editor: Joenaca Tupa da Conceição
