Lautém: Natar etare 3 hetan estrago husi korente mota tamba laiha irrigasaun no moru protesaun, iha sup aldeia sambuta aldeia barailio suco Eukisi postu administrativu Lautem Munisipiu Lautém.
Natar Nain, Alberto dos Santos, hateten, la iha irigasaun no moru protesaun, la apoia aumentu kuantidade produsaun.
“Ami uja deit liman (manual) hodi ke’e natar ho luan ekatare 80. Governu ajuda netik halo irigasaun para ami mos laran metin hodi halo natar.” Natar nain husu.
Xefe aldeia Baralio, Gosme Freitas, aprezenta ona pedidu ba governu atu konstrui irrigasaun maibe la iha resposta.
“Foin dadauk mota tun estraga natar iha Tubaleu ne’e, mais ou menus hektares 3, haré isin ona mak bee lori. Ami esforsu lori dados ba nasional para estado bele mai konstrui irrigasaun no moru protesaun, maibe too agora seidauk mai.” Xefe aldeia informa.
Relasiona ho preokupasaun nee, xefe suku Eukise, Cirstovão Vieira, sei aprezenta problema ba ministerio relevantes, nune’e bele kosntrui irrigasaun no moru protesaun.
“Ha’u nia sei bolu map para mai asegura. Komunidade presija mak tenki asegura nia natar, halo irigasaun no moru protesaun. Planu ida agora dadauk ne’e, ha’u halo ba 2025.” Nia garante.
Jornalista Lautem post seidauk hasoru ho Servisu munisipal agricultura tamba sei okupado ho nia serbisu.
Reportajen :Veru
Editor : B.A
