Lospalos: Serbisu munisipal Obras Públika (MOP Lautém) kontinua orienta kompaña Iliesaun atu kontinua ateru estrada diresaun postu Lospalos ba postu Lore ne’ebe mak seidauk finaliza.
Diretur servisu Obras Publikas Lautém Abrao Vieira afirma kompaña Iliesaun sei kontinua halo manutensaun estrada diresaun lospalos ba Lore tamba seidauk finaliza.
Nia esplika antes ne’e kompaña Iliesaun desloka ona hodi halo manutensaun ba estrada iha Luro, Lautém no Iliomar ne’ebe mak hetan estragos husi udan, wainhira remata sei kontinua halo atividade ateru estrada iha Lore.
” Estrada Lore foin dadauk kompanha Iliesaun asina ona kontratu ba orsamentu manutensaun estrada ba munsipiu tomak, tamba ne’e ita haruka ateru uluk Lore nian maibe tamba estrada iha Luro, Lautém no Iliomar nian ne’ebe kotu entaun sira sei ateru emergensia iha ne’eba kuando hotu ita haruka ba fali Lore.” Informa Diretur servisu Obras Publikas Lautém Abrao Vieira ba media Lautém-Post.
Nia hateten kada tinan MOP Lautém sempre relata problema estrada iha Lautém ba nasional maibe bazea mos ba volume orsamentu ne’ebe aloka mai munisipiu, tamba ne’e nia haktuir estrada iha munisipiu Lautém seidauk normaliza hotu.
“Servisu munisipal Obras Publika munisipal Laut’em desde 2014 to’o a data, ita planu hela atu hadia estrada munisipal, rural no urbana. kada tinan ita propoin mais komu forsa estado ba finanseiru la to’o mak agota ita hadia balun deit.” Nia subliña
Entretanto ba manutensaun estrada iha nivel munisupiu Lautém servisu Obras Publikas munisipiu Lautém selbra ona kontratu ho kompaña Iliesaun ho valor osan $ 600.000 (Seis sentus mil dolares) hodi halo manutensaun Estrada iha Munispiu Lautém tomak.
Reportagen: veru.
Editor: joenaca tupa da Conceição
