Lospalos: Husi assidente trafiku kareta Hilux baku fila iha area Com ne’ebe mak akontese iha domingu(15/09) horseik mais ou menus 13:00 htl , ne’ebe rezulta vitima nain 16. inklui joven nain 3 ne’ebe lakon vida kompostu husi mane 2 ho feto nain 1 dadauk ne’e entrega ona ba parte Familia no nain 9 ne’ebe kanek todan desloka ona ba hospital referal Baucau .
Alen de ne’e, nain 3 seluk ne’ebe kanek Kaman dadauk ne’e iha hela observasaun mediku sira nian iha sala emergensia sentru saude Lospalos.
Hafoin assidente ne’e akontese ekipa Serbisu Ambulansia Emergensia Medika (SAEM) Lautém to’o kedas iha fatin akontesimentu hodi fo assistensia primeiru sokoru hodi assegura vitima assidente sira to’o iha fatin sentru saude Lospalos.
Sefe Departamento(SAEM) Lautém Amadoro Miguel Sampaio Fernandes informa Iha intervensaun primeiru sokoru Ambulansia rua husi sentru saude Lospalos to’o kedas iha fatin akontesimentu, inklui ho apoiu ambulansia husi postu saude Lautém, Tutuala, Loro no Iliomara maibe infelismente to’o oras rua ho balun tanba kestaun Estrada.
“Ami iha difikuldade bo’ot durante evakua pasiente sira ne’e mais ami iha ligasaun hodi halo kordensaun ho SEAM Baucau no sira apoiu ami ho kareta rua no ikus tan apoiu ida husi ambulansia Wailili nian mai atu opiu tanba ita nia ekipa husi munispiu Lautém nian ne’e husi postu sira ita haruka tun mos la biban tanba kestaun Estrada”. Informa nia ba Media Lautém-Post iha Domingu(15/09) ohin.
Nia hatutan tan, Alen de mobiliza ambulansia husi postu saude sira iha munisipiu Lautém ekipa SEAM Lautém mos husu apoiu ambulansia 2 husi SEAM Baucau hodi reforsa SEAM Lautém ho total Ambualansia 9 atu bele Evakua vitima insidente sira husi fatin akontesimentu ba Sentru Saude Lospalos iha 16:00 htl no kontinua desloka pasiente nain 9 ne’ebe grave ba iha Hospital referral Baucau iha 19:00 htl.
“Ohin ba halo evakuasaun ne’e karreta 2 mak ba tanba populasaun sira nia kareta mos tula dadauk ona balun mai, husi total ne’e nain 9 mak ami rekomenda hodi desloka ona ba Baucau no restante ne’e sei observa hela iha sala emergensia nian tanba sira ne’e kanek Kaman ida ba sira ne’e kanek todan hotu.” Tenik nia
“Kareta ohin ita iha munisipiu hamutuk 7 Baucau ohin mai 2, entaun hamutuk iha karreta 9. Primeiru sokoru ami assegura no tula to’o mai iha ne’e, nomos ami akompaña hodi assegura nafatin ba to’o iha Baucao.” Dehan sefe Ambulansia ne’e
Nia hatutan, Sira ne’ebe mate ne’e fuan rahun no ran sai husi inus no tilun hotu, sira nain 3 ne’e ida mate fatin no ida ne’e to’o ona mai iha hospital mak mate no ida mate iha kareta laran.
Sefe ambulansia ne’e haktuir tan, “Sira nain 9 ne’e grave hotu. Balun fraktura, balun frakturia kranio, balun fraktuaria ain, kelen, liman, tanba ne’e mak ami trata sira atu ba Baucao, no nain ida iha ne’e sei tula tan ba no ami rona informasaun balun sei tula liu tan ba Liu Dili tanba iha Baucau mo sei problema radiologi.” Nia esplika.
Iha sorisn seluk Prezidente Autoridade Munisipal(PAM) Lautém Melio De jesus ne’ebe to’o mos iha sentru saude Lospalos sentre triste ho dezastre ne’ebe halakon vida husi Lautém oan nin tolu ne’e.
“nu’udar prezidente autoridade hamutuk ho povu Lautém hato’o sentidu kondulensia klean ba familia sira ne’ebe mak lakon sira nia oan husi asidente ne’e. Dezastre ne’e dezastre ida ne’ebe bo’ot no grave tebes tanba kuaze maioria iha asidente ne’e kondisaun garve tebes no nain tolu mate no restu mak ita konsegue lori mai iha hospital.” Katak autoridade maximu munisipiu Lautém ne’e.
Melio informa, mate isin nain 3 dadauk ne’e entrega ona ba parte familia. Nain 1 husi poros no 2 iha Kautu, alende ne’e nia hateten parte autoridade Munsipal Lautém mos buka ona meius hodi fasilita kaisun ba familia matebian nain 3 ne’ebe lakon vida iha Assidente ne’e.
“Agora dadauk ita buka hela meius atu bele fasilita kaisaun ba sira nain tolu, kompañia ne’ebe mak halo kaisaun ne’e hotu ona no ita ajuda ho uluk Covid-19 nian ne’e hela dei iha restu 2 mak ita oferse ba no sei aumenta tan kaisaun ida husi kompaña Airira nian, ne’ebe mak nia orsamentu hotu ona no hau husu ba nia atu ofere ba ita rua tan para bele prepara hela karik familia iha kautu ne’e tur hamutuk mak oinsa sira sei komunika mai, maibe nain 2 ita atende tia ona.” Nia informa
Nia hatutan tan, “Ohin kalan ne’e mos kaisaun 2 ne’e ita atende tia kedas agora no aban kaisaun tolu ne’e ita bele atende hotu ona. kaisaun Covid-19 nian iha Administrasaun ne’e ita despaixa sai ona, ohin mos hau husu ona ba familia atu bele mai hare ona medida kaisaun nian hodi sukat tuir matebian nia as no aban mos MSS sei fasilita tan kaisaun 5 mai tan atu ita bele antisipa tan tanba ohin ita evakua ba ne’e iha grave barak, tanba ne’e ita tenke antispa mos ba buat ne’ebe mak ita la espera.” Tenik nia
Alen de ne’e PAM Lautém mos louva ho atendimentu serbisu husi parte Sentru Saude Lospalos nian liu liu ba parte Ambulansia nian ne’ebe mak halo atendimentu ho lalais, inklui mos agradese ba SAEM Baucau ne’e mak oferese ona Ambulansia rua hodi reforsa serbisu SEAM Lautém nian.
“Hau apresia ba serbisu sentru Saude Lospalos nian liu liu ba iha parte ambulansia nian ne’ebe mak serbisu makas no konsegue atende ita nia passiente sira, no agradese mos ba autoridade Baucau nian ne’ebe mak oferese ona sira nia ambulansia 2 hodi reforsa ita nia ambulansia iha munsipiu Lautém hodi atende asidente ne’e.” Nia garadese.
Reportagen: Ekipa media Lautém-Post
