Lospalos: Diresaun Servisu Terras e Propriedade, Servisus Cadastrais (DSTPSC) munisipiu Lautém rekolha reseitas hamutuk $ rihun 19, 036.00 hahu husi trimestre dahuluk to’o trimestre iha munisipiu Lautem ba kofre estado.
Directora DSTPSC munisipiu Lautém Davina Maria Branco relata, reseitas hirak ne’ebe nia parte enkaixa ba kofre estado hahu husi 1° trimestre too 2° trimestre ho total $ rihun 19,036.00 ne’e kompostu husi arendatariu rezidensial, komersial, rezidensial e komersiu, no edifisiu.
“Total arendamentu husi 1° trimestre to’o 2° trimestre hamutuk rihun 19,036.00. $ kompostu husi 1° trimestre arendatariu rezidensial hamutuk $ 4.735.00, komersial $ 3.191.00, rezidensia e komersial $ 50.00 no edifisiu $ 270.00. no 2° trimestre, rezidensial hamutuk $ 3.514.00, komersial $ 5.571.00, rezidensial e komersial $ 40.00 no edifisiu $ 1.675.00.” katak Directora DSTPSC munisipiu Lautém ne’e ba media Lautém Post iha nia knar fatin (26/09).
Tuir nian proriedade estado iha munisipiu Lautém ne’ebe dadaun ne’e hetan arendamentu husi klientes sira ne’e iha identidade rua (propriedade estado no propriedade ne’ebe Estadu abandona), no nia prosesu pagamentu tuir tipu kontratu ne’ebe iha.
” Rai estado iha identidade rua, propriedade estado no propriedade abandona estado. Entaun ita nia komunidade sira nebe okupa propriedade sira ne’e uza tuir prosesu kontratu arendamentu. No arendamentu de uzu ne’e la hanesan, balun uja rezidensia, balun komersial, rezidensia e komersial no edifisiu.” nia esplika.
Entretanto total klientes arendamentu ba proriedade estado iha iha munisi[piu Lautém hamutuk nain 110, kompostu husi arendamentu rezidensia hamutuk 78, komersial 24, rezidensial e komersiu 2, no edifisiu 6.
Reportage: Veru.
Editor: Joenaca Tupa da Conceição.
