DILI– Parlamentu Nasionál (PN), segunda ne’e, iha debate faze espesialidade Orsamentu Jerál Estadu (OJE) 2025 aprova ona orsamentu ba administrasaun munisipál Lautém ho totál $8.691.721
Deputadu sira iha Parlamentu Nasionál aprova orsamentu ne’e ho votu afavór- 42, absteinsaun 22 no kontra 0.
“Nune’e, Orsamentu ba administrasaun Munisipál Luatém nia pasa iha faze espesialidade,” anúnsia Prezidente Parlamentu Nasionál, Fernanda Lay, iha sala plenária Parlamentu Nasionál.
Hosi totál orsamentu $8.691.721, ne’e fahe ba kategoria Saláriu no Vensimentu $2.538.874, Bens no servisu $1.096.210, transferénsia públiku ho totál $3.873.544, kapitál menór hamutuk $230.000. no Kapitál Dezenvolvimentu $953.093.
Orsamentu ho totál $8.691.721mak aloka ba prioridade ka programa sira hanesan programa ho númeru 025 foku ba desetralizasaun administrative no podér lokál hamutuk $2.183.709,
Programa 026: Estrada no ponte sira alokadu ho orsamentu $105.709, Programa ho 028: dezenvolvimentu rurál no urbanu alokadu ho $396.731, programa 366: seguransa nasionál ho $58.620.
Programa ho númeru 392 mak asesu ba justisa ho orsamentu $50.611, Programa 502: transporte sira ho orsamentu $13.220, programa 510 mak funsionamentu no dezenvolvimentu institusionál ho $2.36.580.
Alende ne’e, programa 520 ne’e foku ba edukasaun Pré-eskolar ho $262.107, Programa 521 foku ba Ensino Báziku ho orsamentu alokadu $2.041.828.
Entretantu, Programa ho kódigu 528 foku ba kuidadu de saúde primáriu sira ho orsamentu $295.314 Programa 798 foku ba água no saneamentu $156.080, programa 980 mak inclusaun Sosiál $89.320 programa 982 mak foku ba turizmu ho orsamentu $50.437 no Programa A39 mak foku ba Agrikultura, ortikultura, kafé no planta indústria no anuál sira ho orsamentu $625.671 no Programa A40:pekuária, veterinária no teknolojia ne’ebé alokadu ho orsamentu $750
Reportajen: Ekipa Lautem Post
Editór : Helefatil
