Lospalos: Familia kombatentes no martires sira ba libertasaun nasional iha munisipiu Lautém hamutuk ema nian 320 hatama ona karta kontestasaun ou reklamsaun ba Konseillu Kombatentes Libertasaun Nasional (CCLN-sigla português) munispiu Lautém.
Sekretariu ezekutivu CCLN munisipiu Lautém Acasio Fini Ponta-Leste informa, reklamasaun ne’e Familia kombatentes no martires sira halo tamba la satisfas ho lista edital ne’ebe governus taka sai iha fulan janeiru liu bá tanba la apar ho sira nia partisipasaun no dedikasaun exkluziva.
“Familia martires sira ne’ebé la satisfas ho sira nia durasaun ho dedikasaun exkluziva ne’ebé mak sira merese la koresponde ho sira nia sofrimentu sira halo ona reklamasaun no kontestasaun too agora reklemasaun ne’ebé konseillu tau hamutuk iha ona 320.” Katak sekretariu ezekutivu CCLN munisipiu Lautém Acasio Fini Ponta-Leste ba Lautém-post iha nia knar fatin.
Fini hateten, familia kombatentes no martires sira ne’ebé dadaun ne’e hatama karta reklamasaun ne’e maioria reklama kategoria 3 a 7 atu ba iha kateria 8 a 14.
“Maioria 3 a 7 hakarak ba kategoria 8 a 14 mak barak liu, balun menus a 3 mos iha hamutuk ho sira atu reklama ba kategoria ba 8 a 14 nian ba dedikasaun exkluziva.” Sekretariu ne’e afirma.
Tuir nia, karta reklasaun ne’ebé familia sira reklama ne’e nia parte sei relata ba ministeriu assuntu kombatentes da libertasaun nasional hodi hein prosesu tuir mai.
“Atu hatan ba reklasaun ne’e depois de 60 dias nia laran, tamba iha 60 dias nia laran ami sei enkamiña ba nasional depois sira haree no analiza tuir koridor estatuta nian pois mak mai taka iha konseilhu munisipal no kada postu hotu.” Nia hakotu.
Entretantu ba familia kombatentes no martires sira ne’ebé dadaun ne’e hadia sira nia dokumentus ne’e hamutuk ema 120.
Enkuantu data ba loron 60 halo reklamasaun no kontestasaun ne’e sei taka too iha loron 15 fulan Marsu tinan (2025) ne’e.
Reportajen: Veru.
Editor: Joenaca Tupa da Conceição.
