Lospalos: Relasiona ho eleisaun lider komunitária ne’ebé sei realiza iha loron 28 fulan Outubru tinan ne’e, Polísia Nasionál Timor-Leste (PNTL) munisípiu Lautém, deklara katak pronto fó seguransa másimu ba sentru votasaun ne’ebé eziste iha munisipiu Lautém.
Komandante PNTL munisípiu Lautém, Superintendente, Antonio Rego Fernandes, hateten, atualmente PNTL iha efetivu 130, sei destaka ba sentru votasaun sira ne’ebé eziste iha aldeia.
“Hare husi sentru votasaun iha munisípiu Lautém, hamutuk 151. Sentru votasaun bazeia ba total aldeia ne’ebé mak eziste iha Lautém”, tenik nia.
Komandu polísia apela ba komunidade iha munisípiu Lautém, kolabora ho PNTL hodi kontribui paz durante eleisaun no hafoin eleisaun.
“Ha’u apela ba komunidade tomak iha munisípiu Lautém, kontribui ba situasaun hakmatek”, Rego apela.
Reportajen :Veru Fernandez
Editor : Black Angel
