LOSPALOS: atu Kmemora Loron Nasional Masakre Santa Cruz 12 de Novembru, Ministeriu Juventude Desportu Arte no Kultura (MJDAK) apoiu Orsamentu ho montante $6.250 ba Centru Juventude Lautem (CJL) hodi halo preparasau ba Komemorasaun loron Masakre 12 de Novembru tinan ne’e.
Diretur Ezekutivu Centru Juventude Lautem, Ruizina Viegas ba www.lautempost.com iha nia servisu fatin dehan, total osan nebe sira nia parte hetan husi MJDAK hamutuk $ 6.250 hodi selebra loron Masakre 12 de Novembru ne’ebe tuir planu implementa iha kada postu sira iha Munisipiu Lautem.
” Ne’ebe kada postu sira sei hetan US$. 1000.00 (Rihun ida) ba aktividade 12 de Novembru no iha Postu rua (Lore ho Tutuala) mak hetan US$. 750.00 ba suku rua iha Nivel Postu Lospalos osamentu bot tamba hanesan nivel Municipiu ho montante osan US$. 1.500.00″, esplika nia.
Nia parte fo razaun ba Alokasaun orsamentu ba kada Postu sira iha Munisipiu Lautem ho montante la hanesan ho razaun tamba hare husi nia Suku.
” tamba ba Suku rua to’o 5 ho orsamentu US$. 700.00 no suku neen ba 10 ho osanmentu US$.1000.00 iha nivel Lospalos iha Suku 8 maibe tamba kapital Munisipiu Lautem”, nia esplika.
Nia mos esplika relasiona ho orsamentu ba Aktividade Komemorasaun loron Masakre 12 de Novembru ne’ebe realiza iha Munisipiu Lautem, sente sufisiente liu-liu orsamente nebe hetan husi MJDAK.
” Ami sente ida ne’e sufisiente tamba implementa aktividade ba 12 novembru nee ita halo deit aktividade diskursu publiku, reflesaun kalan seminariu no kari aifunan ne’ebe hau senti katak orsanmentu ne’ebe husi MJDAK ne’e sufisiente ba aktividade 12 de Novembru iha Munisipiu Lautem”, nia esplika.
Iha fatin la hanesan, Komisaun Organizadora ba Komemorasaun Loron 12 De Novembro iha Postu Iliomar simu ona orsamentu husi CDJ LTM ne’ebe tranfere husi Ministeriu Juventude Desportu arte e kultura ( MJDAK) preparado hodi selebra loron Masakre Santa Cruz.
Tamba ne’e, Presidente komisaun organizadora 12 Novembru Postu Iliomar, Jaime Zeronimo, dehan aktividade ne’ebe sei realiza iha loron 12 Novembru mak hanesan seminariu, kalan reflesaun, misa solene, no kari aifunan, tamba ne’e antes ne’e nia parte halo ona proposta ba CDJ LTM hodi husu fundus ho montante uS$1.000.00.
” Aktividade haat ne’e mak komisaun orgnizadora preve hodi halao iha 12 Novembru, Komisaun organizadora halo proposta mai iha Centru Juventude ho limitasaun ne’ebe mak iha hanesan atu halo aktividade loron 12 Novembru ne’ebe konsege kria komisaun organizadora preve ho osan $ 1000.00 nebe preve iha proposta.” dehan nia.
Tuir nia ho osamentu ne’ebe nia parte hetan sente sufisiente maibe nia konsidera 12 Novembru tenki iha animasaun hodi hafanu foin sae sira nunee bele iha konhesimentu diak no bele aproveita.
” Hau hanoin sufisiente iha kondisaun maibe agora ba oin ita konsidera dehan loron bot ba mate restu 12 Novembro pelu menus iha animasaun importante ba joven sira. oinsa atu kria joven agora ba futuru bele iha konhesimentu diak no bele aproveita dezenvolvimentu iha loron boot tamba indikasaun ne’ebe iha durante tinan barak ladun iha mudansa ne’ebe fo progresu ba joven sira, tamba ne’e mak tenki halo progresu ruma”, nia dehan.
Entretanto orsamentu refere tranfere iha loron 6 fulan ba CDJ LTM, no aloka ba Postu Tutuala ho montante US$.750.00, postu Lore US$.750.00, Postu Luro US$. 1.000.00 Postu Iliomar US$.1.000.00, Postu Lautem US$. 1.000.00 no Postu Lospalos US$ 1.500.00.
Jornalista: Veru Fernandez
Editor : Sakalista
