Lospalos: Abitantes arendamemtu rai estadu iha Lautém husu ba secretario estadu terras propriedades atu atribui sertifikadu ba abitantes sira ne’ebe durante ne’e halo ona arendamentu ba Estadu durante tempu naruk.
Abitantes Bernardete Da Silva Da Costa husu ba guvernu atu atribui sertifikadu nain ba rai, ba rai estadu nian ne’ebe durante ne’e komunidade sira okupa no halo arendamentu durante tinan 15 ona atu guvernu bele regula ho lei ruma hodi atribui sertifikadu sai nain ba rai.
“komunidade sira ne’ebe hela iha rai estado tinan barak ona, iha lei ruma atu fo dalan atu sai nain ba rai ne ka lae, tanba komunidade barak mak hela iha rai ne’e no halo arendamentu tinan tinan barak ona” dehan nia iha sensibilizasaun Lei terras nian ba autoridade lokal sira munisipiu Lautém, foin lalais ne’e.
Relasiona ho preukupasaun ne’e Secretario Estadu Terras Propriedades Jaime Xavier Lopes hateten iha lei numeru 13/ 2017 hateten abitantes sira ne’ebe hela iha rai estadu nian ne’e, iha direitu atu sai nain ba rai maibe, depende ba programa guvernu nain, wain hira fatin refere la halo dezenvolvimentu signifika abitantes sira direitu atu sai nain ba rai.
“rai estado nebe povu hela no mos sira nebe halo arendamentu ba estadu , iha lei no 13/2013 fo dalan katak ba ema sira nebe agora dadaun halo kontratu arendamentu to’o loron ida governu sei fo sira atu sai nain ba rai nee, kuando fatin ne’e governu la presija ona atu halo konstrusaun iha ne’eba.’’ Katak Secretario Estadu Terras Propriedades Jaime Xavier Lopes.
Nia hatutan, tamba iha kodiku sivil mos dehan katak ema ne’ebe hela iha rai estado durante tinan 22 tuir tuir malu halo arendametu iha ne’eba legalmente governu bele konsidera ida ne’e
“komunidade sira ne’ebe hela iha rai estadu no halo ona arenda mentu durante tinan 22 abitantes sira ne’e iha ona direitu atu sai nain ba rai, maibe guvernu sei halo avaliasaun wainhira tuir ona regras terras propriedades nian.” Nia hakotu.
Reportagen: veru
Editor: Joenaca Tupa da Conceição
