Lospalos: Loron Lima ona eletrisidade iha Munisipiu Lautem lakan-mate, provoka konsumidores nia produtu eletróniku avaria, rezulta modo iha jeleira aat.
Manager kompañia Loja Salvasaun, Adão da Costa, sente triste tanba ahi lakan mate halo sasan eletroniku avaria no lori prezuiju.
“Ami triste tamba la’os ayam-potong de’it mak a’at maibe gileira mos a’at hotu”, manager lamenta.
Konsumidór ne’e, husu ba responsavel EDTL.EP fo horariu ba klientes sira kona-ba oras hamate no hamoris eletrisidade, nune’e konsumidores salva sasan eletroniku.
“Ami ladun satisfas tamba sira la fo horariu fiksu. Hakarak desliga ahi, pelu menus fó horas nebe fiksu para ita bele waspada (antesipa) tamba eletronik ne’e kuando a’at ita hadia mos hasai osan lubuk ida”, nia lamenta no sujere.
Hatan ba preokupasaun ne’e, xefe unidade EDTL .EP Munisipiu Lautem, Chiquito dos Santos, hatete, tuir lolos ahi mate durante 24 horas, durante semana rua maibe nia parte esforsu hodi fornese energia husi munisipiu Viqeqe no Baucau, maibe ida ne’e mos dala ruma mate tamba kauza husi iklima no energia eletrisidade la forsa tamba fornese husi sub estasaun Viqeqe no Baucau.
“Ahi la mate permanente mate kada oras 1, 2 ou 3 bele normaliza fali, tuir lolos mate 24 horas kuaze loron sanolu Maibe, Funsionariu EDTL.EP Munisipiu Lautem Nafatin esforsu atu bele fornese energia husi munsipiu Viqueqeu no Baucau”, nia dehan.
Reportagen: Nandez Veru
Editor : Black Angel
