Lospalos: Administrador Postu Administrativu (APA) Tutuala husu ba Ministeriu Agricultura Pecuaria Peska e Floresta(MAPPF) liu husi Diresaun Geral Pecuaria Veterianaria atu rekruta tan doutor espesial saude animal nian iha munisipiu Lautém atu nunee bele kontrolu animal nia saude hafoin oho hodi faan ba merkadu.
“Atu atende ba nesesidade sira ne’e konaba naan atu faan iha merkadu, matadoru hau hanoin ita labele tamba ne’e hau husu governu ida ne’e bele haruka ema iha kada postu atu ba estuda doutor animal nial hodi bele garante sasan sira ne’e.” dehan APA Tutuala Carlito Perreira hafoin sosializasaun ba tekniku pecuaria no veterenaria iha munisipiu Lautém kuarata(22/01) foin lalais ne’e.
Hatan ba rekomendasaun ne’e Diretur servisu munisipiu agricultor Albertino Jeronimu mos rekoñese katak dadaun ne’e munisipiu Lautém seidauk iha doutor espesial ba animal nian tamba n ne’e nia parte sei tau ba planu aksaun anual nunee bele responde iha tinan oin.
“Doutor animal iha Lautém laiha maibe ohin iha intervensaun husi diresaun katak doutor animal Lospalos oan iha nain 6 maibe ba hotu nasional, entaun ba oin ita tau planu, tau osan ba 2026 bazea ba informasaun problema moras animal entaun teknikamente ema ne’ebé hatene moras animal nian ne’e, ne’ebé ba oin ami sei tau planu aksaun anual 2026 nian para pelu menus nain 1 ka 2. Bele iha.” Diretur servisu munisipiu agricultor Albertino Jeronimu
Zeronimu salienta, katak atu hatene kondisaun animal no garante kualidade naan presija iha tekniku espesial hodi hare, maibe seidauk iha. nia haktuir, dadaun ne’e servisu munisipal agricultura iha deit pessoal atu halo monitorizasaun deit.
“Ita hare ba kondisaun ne’e ita kria staf sira parte pecuaria nian halo monitorizasaun karau sira ne’ebé oho, sira ba haree karau nia kondisaun ne’e diak ka lae, keta moras ka kanek karik, depois haree naan sira ne’ebé faan iha merkadu naa karau duni ka lae ida ne’e mak durante ne’e tekniku sira halo.” Nia afirma.
Reportajen: Veru
Editor: Joenaca Tupa da Conceição
