Tutuala – Autoridade protesaun Sivil municipiu Lautem (APC ML) hamutuk ho ekipa Bombeiros lautem fornese fornese ona bee litros 10000, inklui lori ona aitahan hodi fornese ba balada sira iha ilha jaco postu tutuala, Municipiu Lautem.
Tuir Comandante APC Municipiu Lautem inspectur Sefe Polisia Tito Da Silva hateten , nia parte hetan orientasaun husi nasional hodi fornese bee ba balada sira. Tamba ne’e nia parte kopera no relata ba bombeiros municipiu Lautem hodi Transporta bee ho litros 1000 hodi fornese ba balada sira iha Illa Jaco, Postu Tutuala.
“Horseik ami hetan orientasaun husi secretariu estado protesaun sivil, orienta kedas bombeirus municipiu Lautem nian fornese bele 5000 litru no ohin ami lori tan 5000 liter. husi autoridade protesaun civil. no ami kordena ho autiridade lokal no guarda floresta.” dehan nia ba Lautem Post, iha sabqdo Foin lalais ne’e(2/12).
Komandante nee informa, alende ne’e nia parte mos oferese masa( Jeriken) ho medida 10 litros hamutuk 40 ba guarda floresta sira iha postu Tutuala, no iha possibilidade sei oferese tan wainhira sira presija.
“ohin ami mos fornese Jerigen ka masa hamutuk 40 ho medida 10 litros , ba oin ami sei husu orientasaun husi autoridade protesaun civil karik iha ami sei fornese tan.” Tenik Inspektor Polisia ne’e.
Iha sorin seluk, relasiona ho solidariedade ne’ebe mak entidades hotu halo. Reprezentante Administrador postu Tutuala Carlito Perreira agradese, tamba liu husi kolaborasaun ne’e bele salva guarda ona balada sira ne’ebe mak dadaun ne’e sofre ba hahan no Be’e iha Illa Jaco .
“Ohin loron hotu-hotu iha solidariedade hodi salva guarda ba balada sira liu-liu rusa nebe presija bee no hahan tamba situasaun agora difisil tebes ba animal sira iha ilha jaco.” Dehan reprezentante Administrador Postu ne’e.
Entretanto Autordade protesaun sivil municipiu Lautem ho ekipa Bombeiros Lautem no nasional hamutuk ho ekipa guarda floresta postu tutuala fornese bee no ai tahan durante loron rua ba rusa sira iha ilha jaco.
Reportagen:Veru Fernandez
Editor: Joenaca Tupa da Conceição
