Lospalos: Atu Prezerva Be menus ita tempu bai loron naruk ONG ADRA halo ativdade intervensaun liu husi Kuda Oi Oan 150 Iha Be Matan iha suku Leuro, Posto administrativo Lospalos
Progec manager ONG ADRA munisipiu Lautém Izac da Gama haktuir objetivu husi kuda ai oan ho total 150 iha be matan suku Leuru, postu administrativo Lospalos ne’e atu bele prezerva be wainhira hasoru bai loron naruk.
“Objetivu husi atividade ne’e hakarak atu suporta ita nia komunidade sira liu liu komunidade sira iha suku Leuro, liu liu komunidade targetu sira, komunidade vulneravel sira, ida ne’ebe maka sai vulneravel ba iha tempu aban bainrua nian iha tempu naruk wainhira hasoru tempu bailoron naruk” katak gestor ADARA ne’e
Nia hatutan ONG ADRA sai nudar parseiru no sai nu’udar liman ain husi parte guvernu nian hodi antisipa antes hasoru bailoron naruk.
“Pelu menus sira bele prepara an ona iha maneira oi oin.” Tenik nia.
Iha sorin seluk director serbisu Agrikultura munisipiu Lautem Albertino geronimo husu ba komunidade sira iha suku Leuru atu kuidado no rega ai oan hirak ne’e tanba sei fo benefisiu direita ba iha komunidade sira iha suku Leuru ,
“atividade kuda ai oan ne’e bele prezerva ita nia rai no be matan sira, be kuandu menus ne’e laos ninian matan ne’e mak menus maibe maibe be ninia sulin ne’e mak menus, tanba ne’e mak sai hanesan ita hotu ninia responsabilidade oinsa atu it abele gere ita nia rikusoin sira ne’ebe mak nai maromak fob a ita .”katak director ne’e
entretantu administrador postu administrativu Lospalos Olderico Coimbra agradese ba ONG ADRA tanba konotribui ona ba dezenvolvimentu iha munisipiu Lautém.
“ami agradese ba ONG adra ne’ebe mak serbisu kopera ho entidades hotu hotu liu liu iha suku ida ne’e, hoo komunidade ida ne’e ho objetivu oinsa para it abele salva ita nia be matan no salva ita nia nia gerasaun sira ba aban bain rua nian ne’ebe mak uza be’e ne’e” nia agradese.
Reportagen: Ekipa media Lautém-Post
