Lospalos: Candidatu no atual sefe suku Leuro, Postu Administrativu Lospalos Carlito Viegas promote, wainhira reeleito hodi lidera fila fali suku Leuro. Tinan dahuluk husi nia mandatu, sei hari uluk monumentu ba levantamentu Armado ne’ebe mak akontese iha suku Leuro iha loron 8 fulan Agustu tinan 1983.
Carlito afirma intesnasaun husi rekandidadata an fila fali, tanba tuir nia, durante nia mandadu iha tian 7 nia laran iha palanu barak mak seidauk realiza, inklui atu hari monument ba loron Levantamentu Armado ne’e mak akontese iha suku Leuru. nune’e be’e konklui planu hirak ne’ebe mak antes ne’e nia iha oan.
“Planu ba tinan hitu ne’ebe mai karaik povu Leuro koninua fo nafatin fiar ba hau, mak hau hanoin atu halo konstrusaun ba ami nia monumentu ba loron levantamentu armado nian ne’ebe mak akontese iha 8 de Agustu 1983 ida ne’e mak principal liu. Iha tinan primeiru hau sei halo ida ne’e, ida ne’e mak hau nia hanoin.” Katak nia ba Lautem-Post ohin(27/10).
Nia hatutan, durante nia mandatu iha buat barak mak nia halo ona maibe mos iha buat barak ne’ebe seidauk Konsegue realiza, razaun ne’e mak motiva nia hakarak atu kandidata an fila fali hodi bele realize planu sira ne’ebe mak seidauk hotu.
“Vizaun atu fasilita ita nia komunidade sira, ema ne’ebe mak defisiensia no kibit laek sira, liu husi meius oi-oin ne’ebe mak durante ne’e hau halo. Maske la halo buat barak tanba iha situasaun oitavu guvernu nian ita hotu hatene iha parte barak mak seidauk halo. liu liu atu reforsa fila fali planu hau nian rasik ne’ebe mak antes ne’e hau seidauk remata, hau halo hotu lai mak hau foin sai.” Katak nia.
Kandidatu ne’e konta tuir, mesmu ho situasaun Oitavu guvernu nian ne’ebe mak hasoru difikuldade oi-oin maibe liu husi programa PNDS no Parseiru ONG sira, iha nia mandatu konsegue hari ona Uma naroman ba Povu hamutu unidade 12, Konstrusaun moru eskola no Postu Saude, aumenta aula eskola, konstrui be mos, inklui Loke estrado fou no rehabilita Estrada tuan.
“liu husi programa PNDS nian, iha faze dahuluk iha uma 3 ida ba ita nia komunidade ne’ebe mak kbit laek no iha faze daruak nian iha uma 9 no iha faze da toluk ida ne’e ita assina kontratu ona mais tanba troka ona guvernu, mais ida ne’e mos kuaze lao suxesu”. Nia esplika
“Tuir mai, ida ne’e mos programa PNDS ninian ne’ebe mak halo moru haleu eskola infantil, no moru haleu Postu Saude. ida tan ita halo sala tolu ba Eskola EBF leuru nian. nomos progetu ba Estarada ida iha aldeia Charanu”. Nia konta
Nia hatutan, ba fali parseiru. ita kopera ho ONG sira, primeiru maka programa ida ne’ebe uluk bolu Musan ida no agora troka ona naran ba Rai matak. Ita kolabora ho sira no sira konsegue oferese motor unidade rua rua liu husi atividade halo viveirus hodi fahe ba ita nia komunidade grupu to’os nain sira atu kuda.
“ita mos halo kolaborasaun ho ONG sira hodi loke dala ida ba Cenumatu kuaze kilometru 3 no ida tan liu husi programa GCS nian ita konsegue halo biblioteka ida iha Aldeia soru moko nian.” Nia esplika
Alen de ne’e nia konta tuir, ba atividade ekonomiku nian, nia serbisu mos ho Assosiasaun Kolping hodi hari Indutria Ki’ik rua mak Produsaun tahu no produsaun Mina sona husi Produtu nu’u iha suku Leuru.
“ida ne’e husi Kolping, durante ne’e ami kolabora hamutuk iha ne’e iha grupu 2. Grupu ida mak halo tahu no ida maka ita halo produsaun mina nu’u iha ne’e, ida ne’e mos ekipamentu no material produsaun sira fasilita husi assosiasaun kolping.” Nia esplika
Karlito afirma, ba oin wainhira reeleitu fila fali sei dezenvolve parseria diak ho entidades hotu hotu, hodi nune’e bele dezenvolve diak liu tan seitor Indutria ki’ik no agrikultura iha nia suku hodi hasae produsaun mina nunu, batar, fehuk no modo tahan iha suku Leuro .
“Ba agrikultura kuda modo fehuk no batar no ba industria nian mak mina nu, tanba ita iha parte ne’e hakarak atu hasae produsaun mina nu’u. Ida ne’e mak importante ho vizaun ida ne’e mak iha hau hanoin atu rekandidata an fila fali” nia informa
Entretantu iha suku Leuru kompostu husi Aldei hat mak hanesan; aldeia Luturula, aldeia Leuru, aldeia Caranu no aldeia Soru Moko total populasaun 1296, ho total uma kain hamutuk 297.
Iha periode ne’e Kandidatu ba Sefe suku Leuru hamutuk nain hat, mak hanesan; Carlitu viegas, Ildefonso da silva, manuel da costa no nikulao dos santos.
Reportagen: Ekipa Lautem-Post
Editor: Joenaca Tupa da Conceição
