Lospalos: ekipa corpo bombeiro munisipal lautém eziste durante tinan 10 ona, maibé rekursu umanu no ekipamentu kontinua menus.
“Corpu bombeirus munisipal lautém, eziste desde tinan 2014, ami nia rekursu umanu menus. Iha nain 19 de’it”, komandante corpo bombeiro munisipiu Lautém, Martinho de Carvalho, lamenta.
Membro bombeiro, dadaun ne’e iha de’it ema na’in 19, númeru ne’e seidauk priense kategoria tipu bombeiro.
Ekipa corpo bombeiro iha tipu 4 no membru hamutuk 145, nune’e sira labele halo atendimentu maximu ba komunidade.
“Dadaun ne’e ita nia rekursu umanu hamutuk ema nain 19, seidauk prense tipu bombeirus, tamba CB iha tipu 4, tipu CB1 18 pesoas, CB2 22 pessoas, cb3 32 pessoas no CB4 72 pessoas. Ami sei presija tan rekursu, tamba munisioiu lautem iha uma kain 13.000, ita atu halo balansu, Corpo Bombeiro ladun balansu, no geografikamente lautem mos luan”, nia argumenta.
Ekipamentu kombate inséndiu ne’ebé corpp bombeiro utiliza mós seidauk sufisiente.
“Ita iha mak ekipamentu inséndiu nian de’it, maibe ba insendiu urbana no viatura inséndiu florestal seidauk iha, maibe ida nee la prejudika ami nia vontade servisu. Ami iha esperansa katak governu liu husi politika protesaun sivil sei rezolve” komandante hatoo nia preokupasaun no esperansa.
Corpo bombeiro munisipal Lautém hamutuk funsionáriu na’in 19, kompostu husi feto 4 no mane 15.
Reportagen:veru.
Editor : B.A
