Lospalos: Presidente komisaun G, Armando dos Santos Lopes, heteten, eskola barak iha munisípiu Lautém, seidauk iha fatin hodi prepara merenda eskolar ba alunu sira.
Deputadu ne’e dehan, impelementasaun merenda eskolar ne’e nudar maneira ida atu fó aihan nutritivu ba estudantes, tanba ne’e, parlamentu sei aprezenta falta espasu própriu ba governu hodi rezolve.
“Merenda eskolar ne’e ita nia objetivu atu fo nutrisaun ida ne’ebé di’ak ba ita nia oan sira. 2024 ita sei prepara fatin propriu” dehan nia ba Lautém Post, 21/09.
Nia hateten, atu rezolve kestaun hirak ne’e, labele rezolve dala ida, tanba kada tinan estudante aumenta ba beibeik.
“Los duni katak ita atu rezolve ho tempu badak hamutuk dala ida deit ne’e difisil, tanba estudante sira tinan-tinan aumenta” nia argumenta.
Reportagen: Veru Fernandes.
Editor : Black Angel
