Lospalos: Haree ba kondisaun ponte Motolori ne’ebé dadun ne’e hahú ona feruzen, kuak no komesa aat, autorodade Postu Administrativu Lospalos ko’ordena ona ho Diresaun Nasiona Transporte Terestre (DNTT) munisipiu Lautem, atu monta sinais bandu hodi bandu transporte ho todan liu tonelada lima ba leten atu labele liu ona iha ponte refere.
Administrador Postu Administrativu (APA) Lospalos, Oldericu Coimbra informa, nia parte halo ona ko’ordensaun ho parte Diresaun Nasiona Transporte Terestre (DNTT) munisipiu Lautem atu monta sinais bandu iha ponte Motilori atu fó atensaun ba komunidade sira bainhira ultrapassa, tamba dadaun ne’e kondisaun ponte refere hahú ona aat no fó ameansa ba movimentasaun públiku.
Autoridade Postu Lospalos ne’e husu, atu DNTT munisipiu Lautem aselere hodi monta sinais bandu ba fatin ne’ebé fó ameansa ba komunidade sira nia movimentasaun.
“Ita halo ona kordensaun, depois de simu orientasaun husi prezidente autoridade ita kordena kedas ho parte trasporte katak aban no bain rua sira komesa tidin ona sinais iha ne’eba.” Informa APA Lospalos Oldericu Coimbra ba Jornalista Lautem-Post, hafoin akompaña kompañia likal sira hodi hadia ponte Horo ne’e Tohar.
Nia dehan, objektivu monta sinais iha ponte refere atu fó atensaun ba movimentasaun trasporte públiku liu-liu tranporte kiik sira ne’ebé merese atu liu no transporte ne’ebé bandu atu labele liu.
“Monta sinais iha ponte ne’ebé para fó atensaun ba kareta ne’ebé atu liu ho nia pezu 5 ton mai kraik bele liu, mais maximu 5 ton ba leten ita hadia dalan ida ne’e mak sira bele liu husi ne’e nunee labele difikulta movimentasaun.” Nia esplika.
Hatan ba ne’e diretur DNTT Lautem eddy correa de lemos informa, katak nia parte dadaun nee hahú prepara ona sinais bandu hodi monta iha ponte Motolori.
Nia hatutan, tamba tuir observasaun hatudu katak ponte refere hahu aat no labele ona atu simu kareta nebe ho pezu liu tonelada Lima.
“Preokupasaun komunidade no autoridade lokal sira agora dadaun ami prepara hela, parese ohin ka aban ami monta iha ne’eba para atu fó atensaun ba motorista sira atu kuidadu, tamba ho kondisaun agora labele simu kareta nebe ho ton 5 ba leten “
Entretantu parte DNTT Lautem mos antes ne’e monta ona sinais bandu iha ponte refere maibe hetan estragos husi ema deskonesidu sira.
Jornalista: Veru
Editor: Joenaca Tupa da Conceição.
