LOSPALOS: Antes ne’e, Diresaun Nasional Transporte Terrestre(DNTT) munisipiu Lautém nia edifidisiu la iha ona kondisaun hodi akumula sidadaun ne’ebé trata dokumentu transporte, tanba ne’e, autoridade munusipal Lautem, integra konstrusaun edifisiu foun iha planeamentu dezenvolvimentu integradu munisipál iha tinan 2024.
Atualmente, prosesu konstrusaun edifisiu diresaun transporte terrestre foun iha hela prosesu konstrusaun no besik konklui.
Diretor DNTT Lautém, Eddy Correa De Lemos, hateten, konstrusaun edifisiu ne’e importante atu halo atendimentu ba komunidade Lautém oan sira tamba, sei kontribui osan ba kofre estadu, liu hosi rekolla taxa.
“Estadu iha dever halo konstrusaun ba edifisiu foun. Edifisiu foun ne’e atu fasilita komunidade sira trata dokumentu no nudar kontribuinte ‘selu taxa’ ba kofre estadu” Edi esplika.
Diretór DNTT, agradese ba nia superior ne’ebe prioritiza ba konstrusaun edifisiu foun, liu hosi planeamentu dezenvolvimentu integradu munisipál-PDIM.
“Agradese ba IX governu liu_liu ministeriu administrasaun estatal ho prezidente autoriedade munisipál tanba enkaixa ona kontrusaun edifísiu foun iha projetu” nia agradese.
Total orsamentu ba konstrusaun edifisiu, hamutuk $ 229.000 (dolar rihun atus-rua, rua-nulu resin sia). Ba konstrusaun edifisiu foun ne’e no sei remata iha tinan 2024.
Reporter: Veru.
Editor : B. Angel.
