Lore: Corpu Guarda Florestal destakado iha postu administrativu Lore, munisipiu Lautém prende kilat manu hamutuk ha’at ho modelu (Sarap Taiger) ne’ebe komunidade sira utiliza hodi halao atividade kasa ilegal iha postu Lore iha tempu kalan.
Sefe departementu Floresta munisipiu Lautém Venancio Da Costa informa, ekipa guarda floresta prende kilat manu 4 inklui animal protezidu sira ne’ebe mak komunidade sira kasa iha area namatun postu Lore, tamba espesie animal ne’ebe komunidade sira foti tama ba kategoria animal protegidu ne’ebe governu bandu atu kasa.
“Iha dia (20/2)ekipa guarda florestal destakado iha Lore halo operasaun konjunta iha area namanutun, hetan komunidade ne’ebe kasa animal fuik iha tempu kalan no konsegue prende sira nia animal fuik ne’ebe sira foti no kilat manu ho modelu (Sarap Tiger) hamutuk 4, medan hamutuk 16 (cabesas) inklui niki 1.” Haktuir Venancio ba Lautem- post iha nia knar fatin.
Sefe departementu ne’e pronfunda, operasaun ne’ebe ekipa guarda florestal ne’e halo bazea ba regime juriku protesaun e conservasaun biodiverdidade, iha rejime ne’e bandu sidadaun hotu atu kasa animal maibe presija proteze no konserva.
“Bazea ba lei no 6/2020 konaba (rejime juridiku protesaun e konservasaun biodiversidade) liu-liu animal fuik sira hanesan meda no seluk tan presija proteze no conserva laos atu oho, entaun bazea ba ida nee maka ekipa prende.” Nia subliña
Entretanto kilat 4 ho modelu (sarap tiger) nebe ajente floresta prende dadaun ne’e iha hela edifisiu guarda floresta municipiu Lautém no iha tempu besik sei transfere ba iha nasional.
Reportagen : Veru
Editor Joenaka Tupa da conceicão
