Lospalos; Eletrisidade de Timor Leste Empreza pùblica (EDTL,E P) Municipiu Lautem Provizoriu hamate eletrisidade iha munisipiu Lautém ho razaun atu halo manutensaun ba sub estasaun eletrisidade ne’ebé tinan 10 ona seidauk halo manutensaun.
“Eletrisidade ne’ebé mate iha loron rua liu mate, la iha kauza seluk, maibé razaun maka ekipa halo manutensaun ba iha sub estasaun ne’ebé ezistensia kuaze tinan 12. Ahi mate la’os permanete maibe kada oras 2 ou 3”, Xefe unidade EDTL.EP Municipiu Lautem Chiquito dos Santos, informa.
Nia hatutan, atu garante kualidade eletrisidade no bele hatene kualidade fornesimentu energia ho diak presija halo manutensaun hodi evita destraze ba sub estasaun iba Lautém.
” Manutensaun ne’e ita tenki halo hodi garante kualidade ahi no evita dezastre ba sub estasaun” nia argumenta.
Antes ne’e, nia parte fo ona informasaun liu husi media EDTL E.P no halo karta informasaun ba PAM Lautrm kona-ba energia eletrika ne’ebé mate hahu husi loron 2 to’o loron 13 Fulan Fevereiro 2024.
Tuir previzaun ne’ebé parte EDTL, E.P iha, sei halo manutensaun durante semana rua nia laran hodi hadia kondisoins ne’ebé dadaun nee avaria.
Enkuantu EDTL EP Lautem esforsu hodi fornese energia husi municipiu Baucau mai iha area Postu Administrativu Lautem, Luro no Tutuala, no husi Municipiu Viguegue sei fornese ba iha area postu administrativu Iliomar, Lore no Lospalos.
Reportagen: Nandez Veru.
Editor : Black Angel
