Lospalos: Emprezáriu Lautem oan kompostu husi kompañia Toko satu, Jenac unipessoal Lda no Escamo, organiza malu hodi hadia origente ponte Horo ho voluntariu.
Aksaun ne’e emprezáriu Lautem oan sira halo, tamba konsidera ponte refere nuudar uniku ponte koneksaun husi estrada alternativa ligasaun Lospalos vila ba merkadu munisipal Lautem, hafoin autoridade Lautem deside sobu no hadia fila fali ponte Sikal ne’ebé lokaliza iha aldeia Be-moris ne’ebé durante ne’e komunidade sira liu hodi assesu ba merkadu.
Diretor kompañia Toko satu Alarico li Argumenta, nia parte hamutuk kompñia sira ho volontariu hadia ponte Horo, diresaun Lospalos vila ba merkadu tamba dalan refere nuudar dalan alternativu ba komunidade sira atu asesu ba merkadu.
“Ponte horo ne’ebé tohar iha seman kotuk liu tamba, ida ne’e dalan alternativu atu ba merkadu maibe hetan estragos husi natureza tamba ne’e ho volontariu ami hamutuk ho kompañia sira halo ho emergensia.” Haktuir nia ba Jornalista Lautem-Post.
Nia dehan, depois de nia parte fui semente ba ponte ne’e, nia garante, katak liu loron tolu transporte públiku no privadu sira bele liu fila fali ponte ne’e hodi asesu ba merkadu.
“Tamba dala ne’e kareta bot liu, ne’ebé orsida cor ami halo 30 mp minimu semana ida kareta boot bele liu ona maibe ami usahakan tamba nesesidade presija liu loron tolu tum-tum, motor no kareta kiik bele liu.” Nia afirma
Iha sorin seluk Administrador postu administrativu Lospalos, Olderico Coimbra haktuir, dalan refere nuudar dalan alterntivu ba komunidade sira atu assesu ba merkadu tamba ne’e nia parte kolabora ho emprezariu lokal sira atu responde lalais situasaun refere.
“Depois de ponte ne’e aat hetan ejijensia husi komunidade, ne’ebé ita halo kordenasaun ho ita nia emprezariu lokal hodi ajuda halo lalais ponte ne’e tamba nesesidade origente, ne’ebé ohin iha ne’e ita nia kompañia tolu mak hamutuk iha ne’e hodi rezolve lalais situasaun ne’e.” Nia informa
Haree ba aksaun ne’ebé emprezáriu no autoridade lokal sira halo hodi hatan ba situasaun emerjensia ne’e, Komunidade Horacio Pintu Amaral agradese ba autoridade no kompañia sira tamba bele rezolve ona sira nia preokupasaun.
“Agradese ba autoridade no kompañia sira ne’ebé ohin ajuda mai hadia fali ponte ne’e atu ami bele lao ba mai hodi ba asesu merkadu.” Katak komunidade ne’e.
Entretantu alende kompañia tolu ne’ebé serbisu hamutuk hodi responde situasaun ne’e, hetan mos kontribuisaun husi loja sinezas sira iha Lautem, ho nia total orsamentu hamutuk atus valu lima nolu.
Jornalista: Veru
Editor: Joenaca Tupa da Conceição.
