LOSPALOS: Veteranus Lautem husu ba estado Timor-Leste atu kordena ho estado indonesia hodi buka tuir saudozu sira nia restus mortais ne’ebé to’o agora Familia seidauk hetan.
Veterano, Amelio da Costa Xavier, kódigu Fatati, hateten, durante sira halo funu iha ai- laran ho prinsípiu “liberta pátria no liberta povu” maibé, to’o agora eroi ne’ebé uluk mate iha batalla de fogu no balun indonezia oho subar, nia ruin seidauk hetan.
Tanba ne’e, veteranu husu ba estadu rai rua ne’e, koordena hodi buka tuir ruin ne’ebé lakon to’o ohin loron.
“Estadu Indonézia tenke tuur hamutuk estadu Timor hodi buka tuir eroi sira nia ruin ne’ebé lakon to’o ohin loron”, veteranu ne’e husu.
Fatati husu ba estado atu rekolla sira nia maluk ne’ebé maka mate iha Indonézia nia liman kro’at sira hodi haloot iha jardin dos herois.
“Restus mortais tenke rekolla nune’e bele haloot iha Jardín dos herois ne’ebé mak iha”, nia argumenta.
Hatan ba pedidu ne’e, Ministru Petroleu Rekursu Minerais, Francisco da Costa Monteiro, iha nua diskursu kondekorasaun ba veteranus iha kampu 28 de Novembru hateten, Timor-Leste sei buka meius hodi rekolla saudozu sira nia Restus Mortais.
“Estado Timor-Leste sei buka meius hodi rekolha ita nia saudozu sira ne’ebé nia restus mortais sei namkari iha fatin fatin”, governante ne’e promete.
Repoetagen : Veru Fernandez.
Editor : Black Angel
