Lospalos: Hafoin Hetan Formasaun Apoiu Tekniku Husi Adventist Development Realief Agensy (Adra) Timor Leste, Grupu Horticultura Icatutun Hetan Rendimentu Dolares Rihun Ida Atus Lima ($ 1.500.00) Liu Husi Aktividade Produsaun Horticultura Durante Fulan Rua Nia Laran.
Xefe Grupu Icatutun, Livio Ximenes, agradese Ba Adra Timor Leste Tambe Bele Apoiu Ona Sira Liu Husi Formasaun Apoiu Tekniku Nune Bele Halo Ona Produsaun Horticultura Nian Iha Rai Laran.
Tuir Nia Liu Husi Aktividade Kuda Modo Ho Variedade Haat Maibe Bele Hetan Ona Rendimentu Rihun Ida Resin Durante Fulan Rua Nia Laran.
” Adra Mai Suporta Ami Nudar Inan Aman Sente Kontente Tebes Tamba Sira Fo Dalan Diak Tebes Ba Ami Fo Treinamentu Konaba Distansia Kuda, Adubu Nian, Ami Uja Deit Adubu Organiku.
“Ami Kuda Varieade Oin 4 Mak Hanesan Modo Tomate, Bringela, Alfase No Seluk Tan.
Ami Faan Pedengan 20 Nee Ami Faan Nia Rezultadu $ 1.500.00 Iha Fulan Rua Nia Laran.”
Xefe Grupu Nee Afirma, Durante Nee Liu Husi Aktividade Kuda Modo Nee Sira Sei Faan Deit Iha Merkadu Maibe Seidauk Bele Fasilita Ba Merenda Eskola Tamba Sira Produsaun Seidauk Sufisiente Maibe, Nia Parte Promete Sei Fasilita Ba Merda Eskolar Iha Futuru.
” Ami Koko Ona Maibe Ami Nia Kapasidade Mak Seidauk Too, Liga Ba Merenda Eskolar Ami Mos Kuda Nee Tutan Malu, Nebe Ami Sei Koko No Serbisu Hamutuk Para Fasilita Mos Ba Merenda Eskolar.”
Gerente Interino Adra Tl Munisipiu Lautem Deonizio Alves, Hateten Adra Tl Kontinua Apoiu Grupu Horticulta Sira Ho Abjektivu Atu Hasae Prudusaun Hortikultura Nian Hodi Responde Ba Ekonomia Iha Rai Laran.
” Prezensa Adra Iha Munisipiu Lautem Ita Estabelese Ona Grupu Hortikultira Hamutuk 12 No Mos No Grupu Rua Produs Frutas Nian Ita Fo Ona Formasaun Oinsa Preparasaun Rai, Oinsa Atu Produs Organiku, Inklui Formasaun Negosiu Liga Mos Ba Sosa Nain Oinsa Atu Mai Sosa Sira Nia Produtu.”
Gerente Nee Afirma Grupu Nebe Parte Adra Tl Apoiu Iha Munisipiu Lautem Nee Kobre Ba Postu 4 No Husi Grupu Hirak Nee Hetan Ona Apoiu Tekniku Liu Husi Formasaun No Hetan Mos Apoiu Tekniku Husi Servisu Agricultura Munisipiu Lautem Nian.
” Liu Husi Aktividade Nebe Halao Iha Munisipiu Ita Kobre Ona Postu Haat Mak Hanesan Postu Administrativu Lautem, Lospalos, Tutuala No Lore. Husi Postu 4 Ne’e Ita Estabele Ona Grupu Hortikultura”.
“Fasilidade Nebe Mak Ita Apoiu Ba Grupu Sira Mak Ita Instalasaun Bee No Perfurasaun Bee Inklui Grupu Icatutun, Bele Ajuda Tebes Sira Liu-Liu Iha Tempu Udan Fasil Ba Sira Atu Bele Uja Bee Ho Diak.”
” Ita Mos Halo Kordenasaun Ba Serbisu Agricultura Munisipiu Nian No Sira Mos Hetan Apoiu Tekniku Husi Extensionista Iha Kada Suku. “
Fo Hanoin Fali Katak Adra Timor Leste Durante Nee Fasilita Ona Grupu Agrikultura Sira La Ho Fundus Maibe Apoiu Formasaun Tekniku No Material Hanesan Bomba Bee, Poly Paype, Tanke Rezervatoriu, Grand House, Irigasaun Turuk, No Seluk Tan.
Entretantu Grupu Horticultura Icatutun Iha Aldeia Lereloho, Suku Fuiloru, Postu Administrativu Lospalos, Munisipiu Lautem Ne’e Rasik Iha Membru Hamutuk Ema Nain 20 Kompostu Husi Mane 10 No Feto 10.
Ekipa Lautem Post
