Lospalos: Liu husi rezultdu deskobrimentu Ekipa Auditoria Sosial Fundasaun Amizade Tamba Amor (FUNDAMOR), identifika katak Ensinu Baziku central no Filial sira husi Postu Administrativu Lore, Luatem, no Luro hahu a’at no laiha fasilidade.
Liu husi Komferensi impresna ne’ebe mak halao iha salaun Enkontru fundamor, Portavoz ekipa Adutoria Social FUNDAMOR Abilio Amaral Husu ba Ministeriu Edukasaun (ME) no Autoridade relevantes Atu hadia infrastutura no prepara fasilidade.
“deskobrimentu ne’ebe ekipa deskopre mak, edifisu eskola balun a’at liu ona no laiha fasilidade hanesan bee no laiha konstrusaun ne’ebe adekuadu”. Katak nia ba Lautém-Post foin lalais ne’e.
Tanba ne’e liu husi Rejultadu deskobrimentu ekipa FUNDAMOR hakarak husu ba Guvernu liu husi pontu hirak tuir mai:
1) Hakarak aprezenta ba autoridade relevante sira atu bele tau matan ba rezultadu deskobrimemtu ne’ebe mak ekipa rekola, mak hanesan: EBC Luro, EBF Raumoko no EBF Aelefa. EBC Koro Asu Lore 1 ho nia filial ( EBF Lori, EBF Maloru no EBF Chai). nebe edifisu at liu ona nebe presija halo konstrusaun.
2). presija halo reahabilitasaun urjente tamba aula balun hahu dodok, Nakfera, no kuak. no presija aumenta tan sala tamba alunos barak liu.
3). EBC Luro, EBF Ailarino, EBF Alahira no EBF Abere sucu Luro, EBC Koro Asu Lore1- (EBF Lori, Maloru no Chai suco lore) EBF Raumoko no EBF Aelafa, haris fatin no sintina lafunsiona ho diak tamba laiha be’e ba haris fatin no laiha konstrusaun adekuadu.
Portavos ne’e subliña, bazea ba rezultadu deskobrimentu ne’ebe mak ekipa auditoria sosial rekolha iha terenu, FUNDAMOR rekomenda ba ministeriu Edukasaun atu bele halo konstrusaun foun mos ba EBC no EBF ne’ebe ekipa identifika ona hanesan tuir mai ne’e.
1) Rekomenda ba Ministeriu Edukasaun atu halo konstrusaun eskola foun ba EBC Luro, EBF Raumoko, EBF Aelafa. EBC Koro Asu Lore1, ho nia filial ( EBF Lori, Maloru No Chai).
2) Aummeta sala foun tamba numeru estudante barak.
3) Husu atu hadia haris fatin iha eskola refere tamba laiha kondisaun ne’ebe adekuadu ba be’e no saneamentu ne’ebe mak sei fo impaktu ba estudante sira iha eskola refere.
4) Husu Ba SMASA atu hadia kanalizasaun be’e ba haris fatin sira.
5) Husu mos ba Ministeriu edukasaun atu fo samada atensaun ba eskola sira ne’ebe mak taka haris fatin ba estudante sira tamba ne’e viola direitus humanus no nesesidade labarik sira iha eskola refere.
6) Husu ba parlamentu Nasional Komisaun G ne’ebe trata kona ba asuntu eduksaun nia atu bele aumenta OGE ba ME hodi halo konstrusaun no rehabilitasaun ba eskola sira nebe ladiak.
Entretanto ekipa auditoria sosial ne’e fasilita husi ONG Funero serbisu hamutuk ho edukasaun munisipal Lautém no diretur eskola husi postu administrativu sira, hodi rekolha informasaun konaba susesu implementasaun National Education strategy planing (NESP).
Reportegen : Nandez Veru
Editor: Joenaca Tupa da Conceição.
