Lospalos: Diretór Rekursu Humanus Munisipál Late, Bernardo Amaral Lopes, informa, Funsionáriu iha administrasaun Munisipál Lautém iha ema na’in 38, husi númeru ne’e, na’in 8 termina ona kontratu servisu, no kazuais na’in 30 estende sira nia kontratu.
Nia Hateten, na’in 8 ne’ebé termina kontratu nee bazeia ba sira nia dezempeñu servisu durante ne’e.
“Na’in 8 ne’ebé nia kontratu termina ne’e la’ós rekursu humanu mak hapara maibé, hare ba avaliasaun servisu durante ne’e, ba funsionariu kazuais iha diresaun sira seluk ida-idak sei aprezenta ba diresaun rekursu humanu hodi hare nia dezempeniu servisu nune’e atu estende ka hapara”, nia esplika.
Iha fatin hanesan, Diretór Edukasaun Munisipál Lautém, Anibal Fernandes, hateten, Funsionáriu Lautém iha ema na’in 52, husi númeru ne’e 36 kontinua kontratu servisu no kazuais na’in 16 sei iha prosesu avaliasaun servisu.
“Kazuais 36 ne’ebé kontinua kontratu ne’e, kompostu husi professor eskola 29, pesoál limpeza na’in 2, seguransa eskola na’in 4, administrasaun eskola na’in 1”, dehan nia.
Diretór rekursu humanus Munisipál Late, husu ba diretores Munisipál sira atu aprezenta funsionariu kazuais nia relatoriu dezempeñu ba rekursu umanu molok to’o loron 10 fulan Abril.
Reportagen:Veru.
Editor : B.A