Tutuala– Bailoron naruk, udan been susar, halo duut sai maran no mate iha illeu Jaco.
Rusa iha illeu Jaco labele sai husi rai ketan ne’ebé haketak an husi rai maran.
Rusa fuik iha Jaco presiza tebes ema nia tulun, liu-liu fornesimentu Bee no duut.
Guarda Florestal destaka iha postu Tutuala atesta rasik kombustivel ba Ro’o hodi tula bee no Duut ba rusa iha ilha jaco.
Koordenador Guarda Florestal, Marvão Soares da Kruz, hateten, durante ne’e sira rasik enxe mina ba Ró hodi tula Bee no duut ba Jaco.
“Durante ró nebe ami uja hodi tula Bee no duut mai iha jaco, ami rasik uja ami nia osan atu sosa mina tamba durante nee seidauk iha kombustivel ho manutensaun ba Ró”, dehan nia ba Lautem post, iha Tutuala.
Preokupasaun seluk, guarda florestal iha Tutuala ema nain rua de’t, ema la sufisiente hodi kontrola no fó han ba rusa fuik iha Jaco.
Koordenador guarda florestal husu ba Sekretáriu Estado Floresta, rekruta tan guarda florestal hodi reforsa kontrolu iha parke nasional Nino Konis Santana.
“Hare ba área [Parke Nino Konis Santana] ne’e luan tebes, husu atu rekruta tan ema 10 ka 20 mai ajuda.Durante fulan 6 ona maibé, ami nunka ferias” koordenador ne’e husu ho lamenta.
Reportagen : Veru Ferbandez.
Editor : Black Angel
