Losplaos- Hafoin eleitu hodi lidera suku Souru iha eleisaun suku ba ronde daruak, Xefe suku Eleitu Roberto Dias viana kompromete sei halibur katuas lianain sira, juventude no intelektual sira iha suku atu bele tau hanoin hamutuk hodi Deznvolve suku Souru nune’e bele sai hanesan suku Exemplar ida iha Munispiu Lautém.
Tuir Roberto, Suxesu no komfiansa ne’ebe nia hetan hodi lidera suku ne’e. Laos oportunidade maibe nu’udar responsabilidade bot ida ne’ebe mak inan aman sira ia suku Souro fo ba nia, tanba ne’e nia sei halibur opiniaun hotu laos atu dezenvolve deit suku, maibe hatur hikas fila fali suku Souru nu’udar suku Ezemplar ida iha munisipiu Lautem.
“Hau agradese tebes ba eleitor sira ne’ebe mak apoiu ona hau, no suxesu no komfiansa ida ne’ebe hau hetan ne’e laos oportunidade maibe ne’e hanesan responsabilidade bot ida ba hau”.
“Ba dala uluk hau tenke halibur hau nia katuas sira, hau na joven sira no hau nia intelektual sira ne’ebe mak agora dadaun iha kapital, hodi bele tau hanoin hamutuk atu ami nia suku pelu menus bele iha mudansa oituan”. Katak Roberto Dias Viana ba Lautem-Post, hafoin eleitu iha eleisaun suku(13/11).
Nia hateten, Hau tenke halibur hau nia joven no hau nia intelektual sira hotu husi suku Souru. Atu ami tenke bele tur hamutuk fo hanoin ba malu no fo ideia ba malu, hodi nune’e ami bele dezenvolve ami nia suku hanesan suku sira seluk. No se bele karik, ami hakarak dezenvolve ami nia suku sai hanesan suku exemplar ba suku sira seluk iha munispiu Lautem, ida ne’e mak hau nia objetivu.
“Ami rona ema konta barak ona, katak ami nia suku ne’e dehan hanesan ne’e, hanesan ne’e. Tanba ne’e mak hau iha hanoin atu halibur ema hotu atu bele tau hanoin hamutuk atu bele hadiak ami nia suku sai hanesan suku sira seluk, ka pelu menus ami tenke esforsu para ami nia suku mos bele sai hanesan suku exemplar ba suku sira seluk”. Katak Lider suku eleitu ne’e.
Alende ne’e Robertu haktuir, Wainhira simu ona posse iha loron 28 fulan Novembro, nia sei konvida mos akndidatu sira seluk ne’ebe mk compete ba eleisaun suku, atu bele tur hamutuk hodi kontribui ideias ba dezenolvimentu suku souru nian.
“Ida ne’e konsekuensia dempkrasia nian, ida ne’ebe lakon tenke simu no ida ne’ebe maka manan mos tenke simu no responsabiliza komfiansa ne’ebe mak inan aman sira fo ba nia”. Tenik nia
Nia hatutan tan, “Buat ne’ebe hau hanoin, aban bain rua simu ona tomada de posse iha loron 28/11. Hau sei komvida hau nia maluk sira hotu ne’ebe mak foin dadauk ami kompete hamutuk atu ami bele tur hamutuk hodi fo hanoin ba malu no tau ideias hamutuk para ami tenke dezenvolve ami nia suku”. Katak Roberto
Entretantu iha eleisaun Segundo ronde ne’e, Duarte da Costa hetan votu 520 no Roberto Dias Viana hetan 678, husi total eleitor ne’ebe vota 1242, husi total eleitor ne’ebe mak regostu iha suku Souru hamutuk 2215.
Reportagen: Ekipa Lautem-Post
Editor: Joenaca Tupa da conceição
