Breaking News, Lospalos : mais ou menus tuku 14:00 Htl, kareta Hilux tula passageirus 16 bakufila iha Area iraunu suku Com, husi asidente ne’e rezulta ema nai 3 mate no 13 seluk kanek todan.
Tuir informasaun ne’ebe media Lautem-Post assesu iha terrenu, dadauk ne’e ekipa Protesaun sivil no Komandu PNTL munisipiu Lautem dadauk ne’e halo hela prossesu identifikasaun iha fatin akontesimentu.
“sira nain 3 mate ne’e, nain ida mate iha fatin, nain ida mate iha dalan wainhira transporta mai Centru saude Lospalos no nain ida mate iha hospital”, katan agente polisia ba Lautem-Post iha Sentro Saude Lospalos(15/09) ohin.
Dadauk ne’e vitima assidente trafiku sira transporta ona mai iha ona Centru Saude Lospalos iha tuku mais ou menus 16: 00 Htl hodi halo atendimentu husi mediku sira iha sala emergensia Sentru saude Lospalos, munisipiu Lautem.
Tuir mai ba informasaun detalhu sira konaba asidente trafiku iha Com akompana nafatin media Lautem-Post, liu husi informasaun foun sira tuir mai hafoin prossesu identifikasaun vitima no kauza husi asidente trafiku ne’e husi ekipa Protesaun sivil no Komandu PNTL munsipiu Lautem nian.
Reportagen : Ekipa Media Lautem-Pos.
