Iliomar: Benefisiariu ba subsídiu seguransa sosiál iha munisípiu Lautem hamutuk rihun neen, atus tolu limanulu resin-neen (6.356) hahú simu subsídiu.
Xefe suku Iliomar primeiru, Jose Luis da Costa, informa, benefisiáriu ba subsídiu seguransa sosiál iha postu Iliomor, suku Iliomar hamutuk atus ida, ualu-nulu (180) iha suku Iliomar primeiru, kompostu husi aldeia 5 simu ona subsídiu husi governu.
“Suku Iliomar primeiru iha aldeia 5 ho nia totál idozu no defisiente hamutuk atus ida, ualunulu resin hitu (187), maibe foin daudauk iha fulan rua liu ba, na’in 7 mate, hela de’it na’in atus ida, ualunulu (180). Aldeia Iliomar, Wata Matar, Oso Hira, Kaentau, no Hara Ara’a .” nia relata.
Koordenadór institutu nasionál de seguransa sosiál, munisípiu Lautem, Anizio Freitas Marques, relata, idozus no ema ho defisiénsia iha postu administrativu Iliomar hamutuk na’in atus ualu, sanulu-resin-sia (899) mak benefísiu ona subsídiu.
“ Benefisiariu atus ualu, sanulu-resin-sia (899) kompostu husi feto atus lima, haatnulu resin-ida (541) no mane atus tolu, sanulu-resin-rua (312) invalides hamutuk 48 kompostu husi feto 17 no mane 29” nia afirma.
Totál benefisiáriu iha munisípiu Lautem ne’ebé asesu subsídiu seguransa sosiál hamutuk rihun neen, atus tolu limanulu resin-neen (6.356). Postu administrativu Luro benefisiáriu hamutuk atus ualu, hitunulu resin-ida (871), postu Tutuala atus tolu, sianulu resin-ida (398), postu Lospalos rihun rua, atus haat, neennulu resin neen (2.466), postu Lore no postu Lautem hamutuk rihun ida, atus hitu, ruanulu resin-rua (1.722).
Jornalista: Veru.
Editor: BA.
