Lospalos: Vice-Primeiro-Ministro, Ministro Coordenador dos Assuntos Económicos e Ministro do Turismo e Ambiente, Nonu governu konstitusional, liuhusi Inpeção Geral do Trabalho (IGT) realiza seminariu ho titulu “planu aksaun nasional kontra trabalhu infantil no trabalhu forsadu” ba estudantes no profesores sira iha Lautem.
Diretora apoiu tekniku servisu inspesaun trabalhu Otilia Maria Perreira informa, objektivu husi sosializasaun ne’e atu fahe informsaum kona-ba serbisu traballu infantil nian ba estudante sira, tamba dadus hatudu katak Timor-Leste labarik sira barak mak sei kontinua halo serbisu negosiu hodi sustenta nesesidada ekonomia.
“Governu liuhusi inspesaun geral trabalhu iha obrigasaun ida atu halo sosializasaun informasaun ba estudante sira. profesor nomos autoridade lokal sira.” Dehan nia ba Jornalista Lautem-Post
Nia haklaken, relasiona ho peskiza ne’ebé halo iha 2016 no 2021 hatudu katak numeru labarik sira involve an iha trabalhu infantil ho razaun katak nesesidade uma laran la sufisiente.
Iha sorin seluk diretur agensia munisipal fiskalizasaun munisipal Lautem, Agustinho Dos Santos relata, Timor-Leste adopta ona lei konvesaun internasional hodi proteze no bandu labarik sira husi serbisu, maibe realidade hatudu katak labarik sira kontinua halo serbisu tamba ekonomia uma laran la permite.
“Importante tebes ba estudante sira ne’ebé maioria sei tama iha infantil tamba Timor-Leste adopta mos konvesaun internasional, tamba ne’e sira presija hatene sira nia direitu no dever maibe tamba razaun ekonomika familia, situasaun sira ne’e bele akontese.” Nia subliña.
Nia afirma, liga ho realidade ne’ebe hatudu, katak governu iha obrigasaun atu halo kontrolu ba labarik sira ne’ebé dadaun ne’e sei halo serbesu liu-liu faan sasan.
“Governu Timor-Leste iha dever atu kontrola, tamba futuru nasaun iha ita nia oan sira ne’ebé minoridade nia liman. Presija forma sira ligadu ho sira nia idade.” Katak nia.
Tanba ne’e nia husu, atu minimiza numeru infalitil asesu ba servisu iha Timor-Leste ema hotu nian responsabilidade liu-liu inan aman, profesore too governu.
“Tamba Timor-Leste adopta ona konvesaun internasional ba labarik sira.” Nia argumenta.
Jornalista: Veru.
Editor: Joenaca Tupa da Conceição.
