Lospalos: Inspira Juventude ba halo mudansa ka youth changmarkers (IYC) fasilita Formasaun Trainig Of Trainers(TOT) ba foinsae nain 20 iha munisipiu Lautem konaba abilidade oinsa sai fasilitasaun ne’ebe diak iha sosiedade.
Joven nain 20 ne’e kompostu husi mane nain 6 no feto nain 14 ne’ebe mak tuir TOT durante loron 4 hodi aumenta sira nia kapasidade no abilidade hanesan fasilitador iha sosiedade.
Kordenador ba project youth changmarkers (IYC) Remijo Gorje hateten, inspira juventude ba halo mudansa durante ne’e halo ona formasaun ba juventude sira iha Postu Administrativu Luro, Lautem no Lospalos. Nune’e tuir mai IYC Kontinua fasilita tan TOT ba Alumni hirak ne’e kona ba abilidade fasilitasaun ne’ebe diak.
“Formasaun TOT ka treinamentu ba treinador ne’e ba antigos alunos (alumni) sira husi postu Lautem, Luro, Lospalos. Alende ne’e iha mos joven sira husi grupo juventude sira iha lospalos nian, Formasaun TOT foka liu ba iha abilidade fasilitasaun nebe mak diak”. dehan nia ba Lautem-Post, 14/10.
Nia informa, atividade Formasaun ka treinamento ba treinador ne’e sei aprende konabá abilidade ba fasilitador durante loron rua husi chylfund no Ba futuro no iha loron rua ikus partipante sira ida-idak sei pratika deit buat ne’ebe sira aprende ona durante loron rua.
“iha tempo pratika minimo minutu15 no maximo manutu 45 hanesan ne’e, atu nunee bele hadiak sira nia abilidade. wainhira iha problema ruma bele hadia kedas antes sira ba halo formasaun ida tereinu”. nia esplika.
Iha sorin seluk partisipante Fransisca Bernandino husi grupu Juventude Sangar Haburas hateten treinamento ba treinador ne’e diak tebes, tamba tuir nia buat barak mak joven sira seidauk hatene tanba ne’e importante tebes atu kapasita an liu husi formasaun TOT ka treinamento ba treinador ne’e.
“Buat barak mak ami seidauk hatene, tuir formasaun barak hau hanoin bele prepara a’an nu’udar fasilitador ne’ebe diak atu halo aktividade treinamento ruma iha ami nia komunidade.” Dehan partisipante ne’e.
Foinsae ne’e agradese tanba bele hetan ona oportunidade hodi tuir formasaun (TOT) durante loron haat ne’e. Tuir nia, sente furak tebes tanba liu husi treinamentu ne’e bele aprende tan materia foun, nune’e bele aumenta tan nia kapsaidade no koñesimentu ba maneira fasilitasaun ne’ebe diak, liu liu haforsa tan sira nia mentalidade wainhira aplika fila fali iha sosiedade ne’ebe mak sira hola parte ba.
Reportagen : Gilberto da costa.
Editor: Joenaca Tupa da Conceição
