LOSPALOS: Komandante Autoridade Protesaun Sivíl Munisípiu Lautem (APC,siglá Portugés), José Agustinho Paicheco, relata, iha fulan-Janeiru tinan ne’e, autoriedade protesaun sivíl rejista kazu dezastre natural, inklui inséndiu hamutuk lima.
“Ami atua dezastre lima, iha postu administrativu Lospalos hamutuk 2, postu luro 2, no postu Lautem 1, kauza husi anin sobu, ai-hanen, ahi- han. familia afetadu sira APC apoia sasán emerjénsia,” relata Komandante APC Lautem ne’e ba Lautem Post, iha kna’ar fatin, ohin.
Komande ne’e realsa, husi númeru dezastre nee, iha uma-kain 3 mak tama kategoria aat totál no 2 seluk aat kaman. Enkuantu ba prosesu materia rekoperasaun sei hein orientasaun husi nasionál.
“Dadus sira ne’e rekolla hotu ona no dirije ona ba nasionál. husi uma-kain tolu ne’ebé kategoria aat totál sei hetan apoiu rekoperasaun”, nia promote.
Entretantu husi uma-kain tolu ne’ebé hetan estragu totál ne’e kompostu husi postu Lospalos 2, Lautem 1, no luro 2.
Reportajen: Veru
Editór : Black angel
