Lospalos: Tinan 2024 hahu husi fulan Janeiru too Marsu no Outrubru too Dezembru, diresaun municipal koncervatoriu servisu registu notariadu munisipiu Lautém rekoliha reseista hamutuk $ 38.625.00 ( Rihun tolu nolu resin walu, atus neen rua nolu resin lima dolar amerikanu) ba kofre estadu.
Diretur municipal koncervatoriu servisu registu notariadu amandio alves gomes informa reseitas ne’ebé nia parte enkaixa ba kofre estadu hamutuk rihun 38 resin ne’e ba fulan neen nian, maibe fulan neen seluk laiha atendimentu tamba laiha kaderneta.
“Durante hahu husi fulan Janeiru too Marsu ami halo atendimentu ba pasaporte mais husi abril too setembru iha problema ba kadernetas tamba ne’e laiha atendimentu, ne’ebé hahu fali iha Outubru too Dezembru. Entaun iha fulan 6 nia laran ita hatama reseitas ba kofre estadu hamutuk 38 mil 625 dolares.” Dehan nia ba Jornalista Media Lautém-Post, Kinta(09/01).
Diretur ne’e haklaken, dadaun ne’e mos diresaun munisipal notariadu halao ona atendimentu ba publiku lao normal hodi fo atendimentu ba klientes sira ne’ebé presija trata dokumentus hanesan sertidaun RDTL, BI, Rejistu Kriminal no seluk tan.
“Atendimentu publiku iha munisipiu Lautém nian mak hanesan aplikasaun sertidaun nasimentu, guia de obitu, certidaun kazamentu, B.I no certifikadu rejistu criminal, inklui mos pasaporte la’o normal hanesan bain- bain.” Nia imforma.
Entretantu ba reseitas nebe notariadu enkaxa durate fulan neen nia laran kompostu husi fulan janeiru too marsu 2024 hamutuk $ 29.300.00, husi fulan outrubru too dezembru $ 9.325.00. Husi klientes hamutuk ema nain 771.
Reportagen: Veru.
Editor: Joenaca Tupa da Conçeião.
