Lospalos: Hahu husi fulan Janeiru too Dezembru tinan 2024 Diresaun Servisu Terras e Propriedade Servisus Cadastrais (DSTPSC) munisipiu Lautém rekola reseitas hamutuk $ 35, 065.00 (Rihun tolu nolu resin lima, ne’en nolu resin lima Dolar Amerikanu) iha munisipiu Lautém hodi kontribui ba kofre Estadu.
Diretora DSTPSC munispiu Lautém Davina Maria Branco relata reseitas hirak ne’ebé nia parte enkaixa ba kofre estado ne’e hahu husi trimestre dahuluk too trimestre dahat ho total rihun 35,065.00 nee kompostu husi arendatariu rezidensial, komersial, rezidensial e komersial no edifisiu.
“Reseitas ne’ebé diresaun terras propriedade munisipiu Lautém hatama ba kaixa estado husi trimestre 1 too 4 tinan 2024 husi arendatariu hamutuk ema nain 198 mak mai selu rendas hamutuk 35 mil seisenta cinco dolar amerikano. Ne’e kompostu husi tipu rezidensia $ 20, 475.00, edifisiu $ 1,935.00, komersial $ 12, 515.00, no rezidensia komersiu $ 140.00.” dehan diretora ba jornalista Lautém-Post, iha nia knar fatin. Quarta-feira ohin(08/25).
Tuir nia propriedade estadu iha munisipiu Lautém ne’ebe hetan arendamentu husi kliente sira ne’e, iha identidade rua mak hanesan proriedade estadu, no propriedade ne’ebé estadu abandona.
“Ba estatutu rai estadu nian ne’ebé klientes sira uja ne’e mak hanesan rai privadu estadu no rai abandonadu estadu.” Katak Diretora ne’e.
Entretantu total klientes arendamentu ba propriedade estado iha munisipiu Lautém dadaun ne’e hamutuk 189 kompostu husi arendamentu rezidensial 160, komersial 35, rezidensial e komersial 3 no edifisiu 3.
Reportagen: Veru.
Editor: Joenaca Tupa da Conçeião.