Lospalos: Kandidatu trabalhador sira ba Australia hamutuk ema nain 311 kompostu husi mane 231 no feto 80 iha Lautém segunda feira(17/02) ne’e, tuir ona teste intervista ba faze dahuluk nian iha edifisiu Sekretariu Estadu Formasaun Profisional no Empregu (SEFOPE) munisipiu Lautém.
Hafoin tuir teset intervista ne’e kandidatu traballador ba Australia Deonildo Boavida Caetano sente kontente no orgulu tamba bele hetan tan oportunidade husi governu hodi bele tuir formasaun no bele hakat tan ba faze intervista nian, tamba antes ne’e kandidatus sira ne’e la liu iha faze teste eskrita nian.
“Sente orgulu tebes tamba governu bele rezolve ona ami nia preokupasaun liu-liu fó oportunidade espesifiku ba ami ne’ebé foin dadauk la liu iha teste eskrita no tuir kursu hodi bele mai tuir fali intervista.” Dehan kandidatu traballador Deonildo Boavida Caetano ba Lautém-Post, hafoin tuir teste intervista iha segunda(17/02) horsehik.
Kandidatu ne’e konta tuir, ami sente orgullu iha momentu intervista ne’e tamba sira bele husu buat ne’ebé relevante liu ho buat ne’ebé mak ami aprende antes ne’e, ne’ebé ami bele responde ho diak.
“Sente orgulu tebes ba intervista ida ne’e tamba bele hetan oportinidade husi SEFOPE.” Tenik nia.
Iha fatin hanesan diretur SEFOPE Lautém Armenio Monteiro relata, kandidatus trabalahor Australia iha munisipiu Lautém nian ne’ebé dadaun ne’e tuir teste intervista ba faze dahuluk nian hamutuk nain 311.
“Ohin hahú abetura ba ijame intervista faze dahuluk nian ho total formandos sira hamutuk nain 311.” Informa diretur SEFOPE Lautém Armenio Monteiro ba Lautém-Post.
Armenio afirma depois faze intervista ne’e nia parte sei halo avalizasaun ba rezultadu intervista husi kada kandidatu sira hafoin distribui sertifikadu hodi hein prosesu tuir mai.
No nia hatutan, sei kontinua fo oportunidade ba kandidatu sira ne’ebé mak la passa iha teste intervista ne’e.
“Depois de intervista ita nia ekipa sei kontinua ba avaliasaun rezultadu intervista no karik sira ne’ebé passa sei hetan sertifikadu, no kontinua ba prosesu tuir mai. No mos sira ne’ebé la passa sei hetan tan oportunidade nafatin.” katak diretus SEFOPE Lautém ne’e.
Entretantu iha faze inervista ne’e ekipa husi SEFOPE Lautém husu konaba kamdidatu sira nia aan(Introdusaun pessoal) no tanalsa hakarak ba serbisu iha nasaun Australia, personalidade pessoal, carakteristiku pessoal no inklui esperesia serbsiu ba programa ne’ebé sira hili.
Jornalista: Veru
Editor: Joenaca Tupa da Conceição.
