Lospalos: Komandu polisia nasional munisipiu Lautem regista kazu krime hamutuk 211 ( atus rua sanolu resin ida) durante fulan tolu (janeiru-setembru) tinan ne’e, postu administrativu Lospalos ho númeru kazu krime aas liu kompara ho postu sira seluk iha munisipiu Lautém.
Komandante PNTL munisipiu Lautem, João da Costa, relata, kazu krime 211, kompostu husi ofensa integridade fizika hamutuk 90, danu simples 28, violensia domestika 26 ameasa 23, furtu 13, abuzu seksual 6, no disputa rai 9.
“Tipu kazu neebe ho numeru makas mak ofensa integridade fizika, ho total kazu 90, estraga sasan 28, violensia domestika 26, ameansa 23,furtu 13, disputa rai 9, no abuzu seksual 6.” Nia relata.
Polisia aprezenta ona kazu hirak nee ba ministeriu publiku hodi prosesa tuir lei, tanba, ministeriu publiku mak nudar titular ba kazu krime.
“Kazu 211 submete hotu ona ba ministeriu publiku, polisia so halo identifikasaun, prosesu rekolla evidensia hotu aprezenta ba ministeriu publiku desizaun mimisteriu publiku mak foti.” Tenik nia.
Reportagen: Veru.
Editor : B Angel.
