Lospalos: 09/08/2023 ( Lautem Post)- Kompania Kmanek Unipessoal L.da husu ba Governu liu husi Ministeriu Agrikultura liu liu Peska hodi sosa sira nia ró Fiber Glass ne’ebe durante ne’e sira produs liu husi sira nia Kompania.
Kompania Kmanek rasik durante ne’e halo podusaun ró fyber iha Aldeia Liarafa Suku Parlamentu, Postu Lautem, Munisipiu Lautem.
Nain ba kompania Kmanek Liarafa Unipesoal.Lda, Adino Vieira husu Governu liu-liu diresaun Peskas atu hola ró Fiber Glass, no husu apoiu finanseirun husi Governu.
” hau sujere ba Governu liu-liu Ministeriu Agrikultura liu husi Diresaun Peskas no Diresaun ne’ebe mak ligasaun ba ro Fiber Glass sira sosa ró karik mai sosa iha ami nia kompania ne’ebe produs ró ho tipu oin-oin”, nia dehan.
Nia sujeru mos ba Parlamentu Nasional atu kria lei konaba (hak pateng) bele kontrola ba ema nia molding nune’e ema seluk labele kopi paste.
” liu-liu mos Parlamentu Nasional para bele kria lei konaba (hak pateng) tamba ema produs ró ho ninia molding rasik, mais ema ne’ebe mai aprende tuir mai kopi paste fali iha sira nia kompania, ne’ebe halo lei ne’e par ema labele halo tuir”, esplika nia.
Nia dehan, tinan kotuk sira nia parte produz ró hamutuk 38 unit ne’ebe hetan tenderizasaun husi Ministerio Agricultura no Peskas.
“ami konsege produz hotu, no Ministerio mai foti no fahe ona ba Munisipiu ne’ebe besik tasi ibun”, hateten nia.
Kompania ne’e rasik durante ne’e to servisu ba ema lubuk ona iha area ne’ebe besik.
“nudar trabalhador durante serbisu iha ne’e lao diak senti orgulhu tamba ida ne’e besik liu iha ita nia bairo laran kedas depois ita la ba dok”, dehan Trabalhador Salvador Manuel.
Trabalhador ne’e esplika durante serbisu ne’e tuir tempu hanesan ema pesan mak foin sira halo.
Tipu ró ne’e Fiber Glass iha tipu oin-oin, iha tipu balun iha metru 5, no 7 ne’ebé halo dalaruma to’o deit loron haat diak ona.
Entertanto trabalhador ne’ebe daudaun ne’e serbisu iha kompania refere hamutuk 12 ho sistema kontratadu.
ró Fiber Glass ne’ebe sira produs ne’e ho modelu oin-oin mak hanesan modelu F, modelu U, no modelu ofal.
Enkuantu presu husi ró Fiber Glass refere tuir ninia medida, iha 7,5 metru ho luan metru Ida, nia presu US$. 3.500, maibe kuandu kompletu ho ninia Mesin sei faan ba US$. 6.500 Dolares Amerikanu.
Reportagen : Demigildo Veru Fernandes
