Lospalos: Komunidade husi postu administrativu Iliomar husu ba Secretariadu Tékniku Administração Eleitoral(STAE) munisipiu Lautém atu lori sistema biométrika hodi halo aktualizasaun ba kartaun Eleitorál komunidade sira nian too iha nivel Postu hodi fasilita komunidade vulneravel sira atu asesu.
Komunidade postu administrativu Iliomar sezarino monteiru ximenes hatete, komunidade vulneral sira ne’ebé hela iha kada postu sira difisil tebes atu desloka ba kapital munidipiu Lautém hodi aktualiza kartaun eleitorál ba sistema biométriku.
Tamba ne’e nia husu atu STAE lori sistema biometrika refere too iha kada postu administrativu sira hodi fasilita aktualiza kartaun Eleitorál sistema biométriku ne’e ba ema vulneravel sira, liu-liu ema ho defisiensia no idozus sira iha kada postu..
“Rekomenda ba servisu munisipal STAE kona-ba atendimentu públiku liu-liu aktualiza kartaun eleitorál ba sistema boimétriku, baa iha kada postu tamba komunidade maioria vulneravel, hanesan ema ho difisiensia no idozus sira bele hakbesik aan hodi aktualiza sira nia karta eleitóral”. katak Sezarino Monteiru Ximenes, Komunidade husi postu administrativu Iliomar ne’e.
Nia dehan, kona-ba atendimentu públiku ne’e ba ema hotu espesialmente ba vulneravel sira inklui idozus sira atu bele aktualiza uluk sira nia kartaun Eleitóral hafoin ba foinsae sira.
“Sente difisil atu sira mai iha postu Lospalos, tamba ita koalia atendimentu públika ne’e atu atende ema hotu liu-liu ba komunidade ne’ebe vulneravel.” Nia afirma.
Hatan ba preokupasaun ne’e diretur STAE munisipiu Lautém Sergio Belmonte haklaken, katak nia parte iha ona planu sei mobiliza ekipa tekniku sira ba nivel postu hodi fó atendimentu ba komunidade sira.
“STAE halo atendimentu too iha nivel postu too suku, agora dadauk ita aplika sistema biométriku. Iha tinan ne’e ita halo planu para oinsa atu mobiliza tekniku sira oinsa atu halo resensia iha nivel postu no agora dadauk ita sei konsentra mais iha tempu badak ita sei sirkula ba postu ne’ebé mak iha.” Dehan nia.
Entretantu tuir observasaun husi Jornalista Lautém-Post iha terenu nota katak, dadaun ne’e komunidade sira husi kada postu administrativu sira hahu nadodon mai iha kapital Munisipiu Lautém, postu administrativu Lospalos vila iha tuku 5 madrugada.
Hodi forma iha edisfisiu STAE munisipiu Lautém nian, antes simu númeru hodi halo aktulizasaun ba sira nia kartaun Eleitóral ho sistema Biométriku iha tuku 8 dader.
Reportajen: Veru.
Editor: Joenaca Tupa da Conceição.
