Lospalos: Forum Peacejam nudár organizasaun ba Futuru nia atividade hodi inspoita joven ba futuru.
Diretora Ezekutiva Interina, Organizasaun ba Futuru, Judit Maria Sousa, Objetivu husi konferénsia PEACEJAM atu halibur no motiva foinsa’e sira, kria estabilidade hodi halo mudansa iha Komunidade no inspira foinsa’e seluk nia abilidade hodi kontribui Dame no Dezenvolve sira nia koñesimentu nudár foinsa’e ida.
“Formasaun ba PEACEJAM inspira foinsa’e hodi inklina an iha prosesu dezenvolvimentu. Partisipante mai husi estudantes ensinu sekundária no foinsa’e sira husi organizasaun balun iha Lautém”, Diretora ezekutivu interina esplika.
Formasaun ba PEACEJAM, ko’alia kona-ba maneira halo mudansa no implementasaun dame iha komunidade nia leet.
“Programa ida ne’e liga ba Nobel Da Paz ninia, atu nune’e foinsa’e sira aprende istória oinsá joven ida hatudu asaun Dame iha sira nia komunidade”, nia argumenta.
Programa PEACEJAM, organizasau ba Futuru, serbisu hamutuk ho Childfund no apoiu husi Governu Novazelandez ho durasaun programa durante tinan lima (5), iha Munisipiu Lautém.
Partisipante, Lurdes Nelina Pintu Soares, sente orgullu tanba programa Peacejam inspira fonsa’e hodi partisipa dezenvolvimentu país no kriasaun dame.
“Ha’u sei fahe esperiénsia kona-ba kria Paz no eatabilidade iha munisipiu no Aldeia” joven ne’e promete.
Reportajen : Sozinho
Editor : Black Angel
