Lospalos: Ministeriu Edukasaun (M.E) sei konstrui eskola 31 ho karakter emergensia, hahu husi pre- eskolar to’o ensinu sekundariu iha munisipiu Lautém.
Diretor serbisu munisipal edukasaun Munisipiu Lautém Anibal Fernandes relata, husi total ne’e tama ba kategoria konstrusaun foun hamutuk eskola 12, kompostu husi Pre-Eskolar 5, Ensinu Baziku 4 no Ensinu Sekundariu 3 no kategoria rehabilitasaun hamutuk eskola 19, kompostu husi Pre-Eskolar 6 no Esnsino Baziku 13.
“Infrastutura importante ho karakter emergensia mak Pre-Eskola konstrusaun foun 5, ho sala 10, eskritoriu 1 no sintina 1. Ensinu Baziku 4. Ensinu Secundariu 3 mak Lere Anan Timur unidade 4 ho sala 12, ESC Lautém unidade 3 ho sala 9, ESC Lasama Luro unidade 2, ho sala 6.” Katak Anibal ba Lautém-Post Segunada(05/08) 0hin.
Nia hatutan ba rehabilitasaun eskola hamutuk 19, kompostu husi ensinu basiku 13 no pre eskolar hamutuk 6.
“rehabilitasaun pre-eskolar hamutuk 6, no ensinu basiku hamutuk 13, kompostu husi EBF Larimi, EBF Odofuro, EBF 30 de Agosto, EBF Lautém, no seluk tan nune’e bele ona atende nesesidade eskola sira iha baze.” Dehan diretor servisu munisipal edukasaun Munisipiu Lautém ne’e.
Nia komfesa dadus hirak ne’e nia parte enkamiña ona ba Ministeriu Edukasaun no dadaun ne’e eskola tolu mak konstrusaun lao hela. Ho ida ne’e director ne’e optimosta ministeriu iha ona planu katak tinan 2025 sei halo konstrusaun ba eskola hirak ne’e.
“Dados hirak nee ita relata ona ba ministeriu edukasaun, sira mos iha ona planu atu responde mais parese ho fazeadamente. Iha tinan ne’e balun lao hela mak iha leusari ho unidade 2, iha likidiga unidade 1 no culuhun rehabilitasaun lao hela.” Nia salienta.
Entretantu dadaun ne’e iha munisipiu Lautém iha ona eskola hamutuk 137, kompostu husi Pre-Eskolar 53, Ensinu Baziku Central no Filial 78, no Ensinu Secundariu 4 inklui Eskola Tekniku Vokasional 2.
Reportagen :veru
Editor: Joenaca Tupa da Conceição
