LOSPALOS: Kondisaun halot fatin saudozu secretario regiaun un Ponta-Leste (Saudozu Renan selak) no restus mortais saudozu membru comite centarl da FRETILIN segunda jerasaun (Saudozu Bere Malai Laka) hamutuk ho restus mortais no rate Sauduzu no Martires Libertasaun Nassional sira seluk dadaun ne’e hafalun ho dut no rai rahun mutin iha Ossoario Lospalos.
Secretario executivu Conselho Combatetente ba Libertasaun Nasional(CCLN) munispal Lautém Fini Ponta-Leste informa, dadaun ne’e jardineiru sira iha Ossoario Lospalos la iha ona tamba Ministeiru ba Antigus Combatentes no libertasaun nasional (MACLAN) hasai ona notifikasaun hodi hapara jardineiru sira ne’ebe mak durante ne’e halao serbisu iha Ouariu Lospalos hahu husi fulan Janeiru tinan ne’e.
“Husi fulan Janeiru to’o mai fulan Setembru tinan ne’e la iha ona jardineiru atu tau matan ba restu mortais no saudozu sira nia rate iha Ossoario Lospalos munisipio Lautém. Tanba Ministeriu Assuntu Combatentes Libertasaun Nasional hasai notifikadaun katak hahu husi kliner no lider nian kontratu hapara husi fulan janeiru inklui MACLAN nian.” Informa Fini Ba Media Lautém-Post.
Secretario exekutivu ne’e hatutan, hahu husi fulan janeiru to’o ohin loron MACLN seidaun hasai kontratu foun ruma hodi rekruta Jardineiru sira hodi halao tan nia funsaun iha Ossuario Losplaos.
“To’o agora seidauk iha kontratu foun ba jardineiru atu hamos jardin no osuariu.” Tenik Fini.
Nia relata relasiona ho problema ne’e, nia parte informa ona ba ministeiru no Secretario Asuntu Veteranus maibe to’o ohin loron seidauk iha solusaun ruma hodi reativa hikas jardineiru sira atu halao hikas sira nia funsaun servisu hodi tau matan ba saudozu sira nia rate no restus mortaiss sira iha Ossoario Lospalos.
“Beibeik ona ami fo hatene ba ministeriu maibe seidauk iha resposta to’o agora. Tamba iha ne’eba ita nia saudozu Renan selak nudar Secretariu Regiaun Un Ponta-Leste mos iha ne’eba, membru Comite Central Bere Malai Laka, Iku Junik nudar assistensia politika regiaun un, veterano 24 anos Piter Leki, iha Afonso Savio secretariu regiaun Ponta-Leste no soldados sira hotu.” Nia lamenta.
Tuir observasaun ne’ebe jornalista Media Lautém Post halo iha terenu, nota katak dadaun ne’e iha salaun mortuario Ossuario Lospalos restu mortais saudozu sira nian ne’ebe hafalun ho bandeira RDTL iha Kaixaun leten, dadaun ne’e hafalun ho rai rahun mutin ne’ebe mak nakonu ho kunuk labadai.
Alende ne’e saudozu sira nia rate dadaun ne’e mos haleu hela deit dut ne’ebe hahu ona buras dadauk no fatin balun mos hahu hetan ona estragus husi animal hakiak sira ne’ebe mak husi livre tamba la iha ona jardineiru ne’ebe tau matan ba Jardin dos herois(Ossuario) iha Lospalos ne’e.
Antes ne’e iha jardineiru nain 2 ne’ebe mak halao mos funsaun hanesan siguransa hodi tau matan ba Ossorio Lospalos antes MACLAN hapara sira nia kontra iha fulan Janeiru liu ba.
Reportagen: Veru.
Editor: Joenaca Tupa da Conceiçã
