Lospalos – Ministeriu interior (MI) sei hola ró Ahi rua ba polisia maritima iha Lautem, hodi halo kontrolu ba area tasi iha municipiu Lautem inklui ekipamentus sira seluk ne’ebe mak unidade Policia Maritima (UPM) presija.
Ministru interior Francisco Da Costa Guterres heteten, MI iha ona planu atu kria kondisoes ba polisia maritima iha lautem hodi halo operasaun hodi assegura area tasi iha lautem.
“Iha ona planu para atu kria kondisoes ba polisia maritima iha com atu halo serbisu liu-liu monitorizasaun to’o area Jaco, ne’ebe hau ho komandante jeral koalia espera katak 2024 sei tau osanmentu hodi prepara kondisaun.” Dehan nia depois de vijita rusa iha jaco iha sabadu foin lalais ne’e (02/12).
Nia informa MI sei hola ró rua ba polisia maritima iha Lautem hodi halo kontrolu ba area tasi iha municipiu Lautem inklui ekipamentus sira seluk ne’ebe presija.
“ami sei sosa ró rua lori mai iha com atu uja hodi kontrolu ba areas sira ne, kria kondisoes infrastutura basiku, kajernas tranportes, radio komunikasaun no seluk tan nebe sira presija, tamba nee tama ona planu sei distribui ba sira.” Katak guvernante ne’e.
Nia haktuir, hafoin ne’e sei rekruta tan membru foun ba kada postu, kompostu husi postu 67 iha teritoriu timor hodi haforsa polisia maritima.
“Kada postu sei reforsa tamba agora membru menus, tamba ne’e sei reforsa no tinan oin sei rekruta hodi reforsa tan kada postu sira mais ou menus bele aumenta tamba 67 postos presija reforsa tan.” Tenik nia
Entretanto relasiona problema nebe unidade polisia maritima (UPM) enfrenta, mak dadaun ne’e sei menus hela rekursu humanus tamba iha deit membru 12 ne’ebe halo operasaun ba areas ne’ebe luan iha tasi lautem, inklui menus fasilidade hanesan laiha ró, no menus transporte tamba dadauk ne’e membru UPM sira iha lautem iha deit motoriza ida.
Reportagen:Veru Fernadez
Editor: Joenaca Tupa da Conceição
