Lospalos- Estrada Diresaun Lospalos Vila kada tinan atetru de’it ho rai-mutin, difikulta movimentasaun komunidade no fo impkatu ba sira nia saúde tanba provoka rai-uut.
Motorista, Frizal Efendi Neves, husu ba ministériu relevate atu hadi’a estrada ho di’ak , nune’e fasilita motorista no evita rai-rahun iha tempu bai-loron.
“Nudár motorista, husu ba Ministériu Obras Públika, atu hare hadi’a estrada, pelo menos fui alkatraun labele aterru ho rai-mutin. Tanba rai mutin ne’e fó impaktu ba komunidade saúde”. (26/08)
Nia dehan, kada tinan governu kontinua halo rehabilitasaun ba estrada , maibé too agora seidauk iha rezultadu ne’ebé halo komunidade satisfeitu.
“Kada tinan ministru no sekretáriu estadu sira mai hare, maibé laiha rezultadu, tanba ne’e husu ba governantes, hadi’a estrada diresaun Lospalos ba iliomar.” nia sujere.
Diretór Óbras Públikas Lautémte, Abrão Vierira, konfirma, estrada diresaun Lospalos provizóriu aterru uluk ho rai mutin tanba iha ona planu atu hadi’a iha fulan setembru tinan ne’e.
“Ami enkontru ona ho prezidente autoridade munisipiu katak, iha fulan setembru nia laran halo konkursu, atu hadia husi Lautem to’o Lospalos Vila no Lautém ba com”, nia informa.
Entretantu estrada diresaun Lospalos Vila to’o suku Raça, daudaun ne’e kompañia Ilieção aterru ho rai-mutin, sei finaliza antes loron 30 fulan Agostu.
Reportagen: Veru
Edito : B. Angel.
