Lospalos: ONG FUNERO fo kapasitasaun ba juventude nain 26, hodi halo auditoria sosial ba prevensaun mal nutrisaun iha Munisipiu Lautem.
Kapasitasaun nee realiza iha lospalos segunda, 02/10/2023.
Directora ONG FUNERO, Juliana De Jesus hateten objektivu husi formasaun refere fo kapasita juventude sira husi hodi implementa iha suku.
“objektivu husi treinamentu oinsa atu kapasitasaun konesimentu ba joventude husi suku atu hodi halo auditoria sosial iha sira nia suku rasik.” dehan mia segunda horseik, 02/10/2023.
Tuir Diretora nee katak, Auditoria sosial implementa iha tinan nee, nebee sei hare liu ba Mal nutrisaun”, nia esplika.
Dadus nebe ONG FUNERO hetan husi parte saude nian husi kuarter primeiro no segundo ho % 1 no 2.
” Nee hatudu katak Munisipiu Lautem sei iha mal nutrisaun. ida nee kuaze hare ba iha isin kekras no kabun tek, no grave nee mak ita hetan, mal nutrisaun laos hre deit ida nee, maibe hare mos ba labarik sira nia krensimentu, sira nia isin kapasidade hanoin balun fraku nee sidauk too iha neba”, nia dehan.
Shefe suku lore 1, Abilio AMARAL hatete Formasaun nee importante tebes tamba nee presiza halo auditoria hodi nune bele aprezenta ba SASCAS hodi bele implemnta mata dalan PDN nebe iha.
” auditoria ida nee foka liu ba Ministeriu Saude liu-liu ba mal nutrisaun neebe akontese iha kada Suku”, sefi suku nee dehan.
Sefi suku espera katak depois de formasaun ekipa enumerador tun direta ba terenu hodi halo nia knar.
” ami esperansa katak ekipa enumerador sira liu-liu ami sefe suku sira nebe partisipa formasaun ida nee bele hetan benefisu direta hodi implementa iha kada suku.” nia informa.
Entretantu treinamentu ba juventude hamutuk 26 pessoas durante loron rua, inklui sefe suku.
peskiza nee sei halao iha suku tolu mak hanesan suku Lore 1, Suku Muapitene no Suku Fuiloru.
Reportagen :Veru Fernandez
Editor : Sakalista
