Lospalos: Prezidente autoridade munsipal PAM Lautém Melio de Jesus ofisialmente distribui motorizada hamutu unidade 68 ba Xefe suku no apiu suku sira husi suku 34 iha munisipiu Lautém. Husi total ne’e motorizada ho marka Honda Verza hamutuk unidade 34 ba Xefe suku sira no motorizada ho marka Horda revo fed hamutuk unidade 34 nudar transporte operasional ba apoiu suku sira.
Hafoin seremonia distribuisaun motorizasda ba autoridade suku sira, lider maximu iha munisipiu Lautém ne’e husu ba lider komunitariu sira atu utiliza motorizada operasional ne’e hodi servi komunidade sira iha suku no aldeia sira.
“Atu informa ba Xefe suku sira katak governu hatene kondisoes ne’ebé nain sefe suku sira enfrenta iha ita boot sira nia suku, liu-liu ba fasilidade atu apoiu no suporta ita boot sira wainhira halao ita bot sira nia knar hodi servi ita nia povu iha idak idak nia suku.” Katak PAM Lautém ne’e ba media Lautém-Post.
Melio haktuir wainhira xefe sucu sira ladun iha interese ba komundade sira nia problema iha suku no aldeia, nia hateten prezidente autoridade iha kompetensia atu halo avaliasaun administrativa ba xhefe sucu sira ne’ebé mak la halao nia knar ho diak hodi serbi komunidade sira iha suku no aldeia sira
“Nain xefe suku sira eleitu husi povu ne’ebé mak fo konfiansa ba ita bot sira atu sai servidor sira nian, maibe hau lao tiha ona husu komunidade katak xefe suku balun hasoru no halo deit enkontru ho nia povu mos laiha.” Hatutan PAM.
Iha fatin hanesan diretur jeral governo lokal Elvino Bonaparte do Rego husu ba lider komunitariu sira atu utilizada motorizaa ne’ebé simu atu servi komunidade sira no labele uja ba serbisu privadu nian.
“Motor iha rua ida ba xefe suco no uja tuir iha oras ne’ebe deit, ida opreasional ne’e lao tuir nafatin regras tranjitu katak laos serbisu nian tur hamatek iha fatin tamba ne’e atu hodi apoiu ba admiinistrasaun suku.” Esplika diretur jeral governo lokal Elvino Bonaparte do Rego.
Iha sorin seluk Xefe suku Home Luis dos Santos Maubanu hateten nudar lider komunitaria nia prontu atu servisu hamutuk ho nia komunidade tamba dadaun ne’e iha ona motorijada ba sira atu fasilita servisu suku nian hodi halo atendimentu ba komunidade sira wain hira iha problema ruama.
“Motorijada ba operasional agora iha ona, apoiu suku mos simu hodi uja ba aktividade suku nian. Tamba uluk uluk ne’e wainhira programa ruma iha xefe suku mak tenki lao maibe agora ne’e iha ona apoiu suku nain 4 iha, ne’e ba transporte sira nian 4 uja lesuk hodi halao sira nia aktividade iha aldeia laran.” Dehan Maubanu ba media Lautém-Post hafoin simu motorizada iha Administrasaun Munisipiu Lautém.
Maubanu afirma nia parte prontu nafatin atu utiliza transporter refere hamutuk ho nia apoiu suku sira hodi halao atendimentu ba nia komunidade sira iha sira nia suku no aldeia.
“ simu motorizada ho objektivi uja hodi hala’o aktividade iha suku no mos ba aldeia sira, ne’ebe iha posse suku nian ne’ebe tenki iha fasilidade para bele suporta aktividade sira ne’e , apoiu suku mos simu hodi uja ba aktividade suku nian” Katak Maubanu.
Reportajen: Veru.
Editor: Joenaca Tupa da Conçeião.
