Iliomar : Hafoin hareprestasaun serbisu husi Grupu Agrikultura Modomau ne’ebe produs Haré iha aldeia Larimi, suku Caenlio. Prezidente Autolidade Munisipal(PAM) Lautém fo komfiansa ba xefe do grupu Modomau Adriano Savio atu sai ajente extensionista hodi fo assistensia teknika ba grupu agrikultura sira iha suco Caenleu, postu administrativu Iliomar.
PAM Lautém Melio De Jesus informa, dadaun ne’e extensionista iha postu Iliomar nain hat deit no seidauk bele kobre area koletiva sira iha postu administrative Iliomra. Tamba ne’e nia hateten, nia parte sei utilize fundu operasional hodi fo kontratu ba sefe grupu Modomau ho Durasaun Fulan tolu.
“Atu hasae produsaun ita presija tenkiku ba extensionista sira iha Iliomar. Tamba extensionista nain 4 la kobre ba area koletiva, tamba ne’e ohin alin ida nudar xefe do grupu natar nain. Informasaun ne’ebe hau rekola, nia ema nebe badinas.” Melio Observa
“Hare husi ne’e ita iha osan opersional atu utiliza hodi rekruta sai extensionista iha sucu Caenleu, aldeia Larimi atu fo asistensia tekniku ba agricultura sira, ho durasaun kontratu fulan tolu, maibe hau esforsu para Ministeriu Agricultura atu tau osan para kontinua nia kontratu.” Katak Lider Maximo Munisipiu Lautém ne’e.
Iha sorin seluk xefe do grupu modomau Adriano Savio agradese tamba bele hetan konfiansa husi prezidente Autoridade hodi sai ajente extensionista, tamba ne’e nia prontu no promote atu sai liman ain ba agricultor sira iha terenu.
“Agradese no kontente tamba liu husi hau nia serbisu ne’e prezidente fo konfiansa mai hau atu sai ajente extensionista. Hau prontu atu sai liman ain ba estado iha terenu nudar mata dalan ba agricultor sira.” Adriano promote.
Hatan ba ne’e Diretur Servisu Munisipal Agricultura(SMA) munisipiu Lautém Albertinu Jeronimo konfirma nia parte sei kumpri orientasaun husi Prezidente Autoridade Munisipal(PAM) Lautém nian hodi prepara rekezitus sira, ho nune bele fo ona kontratu ba xefe do grupu Modomau Adriano Savio hodi bele halao ona nia knar nudar agente Extensionista iha suku Caenlio, Postu administrativu Ilomar.
“Nudar diretur ba sebisu municipal nian hau tenki obedese no ezekuta orientasaun husi PAM, no sei fo kontartu ho durasaun fulan tolu atu sai extensionista. Agora ita sei prepara dokumentus no prosesu administrasaun para nia ba asina, nune’e komesa serbisu hahu husi fulan outubru ne’e too dezembru tinan ne’e.” Hatan Diretur SMA munisipiu Lautém, Albertinu Jeronimo.
Entretantu iha Quarta Feira(02/10) horseik servisu munsipal agricultura fo ona kontratu ba Adriano Savio hodi asina no hahu dadauk ona nia knar nudar Exetnsionista iha suco Caenleu.
Tuir dadaus ne’ebe media Lautém-Post assesu, dadaun ne’e extensionista iha munsipiu Lautém hamutuk nain 26, no sei menus ema nain 8. Iha postu Iliomar dadaun ne’e extensionista iha ona ema nain 4 no sei hela ema nain 1 ne’ebe iha ona prosesu kontratu. No tuir planu, iha tinan oin sei halo tan rekrutamentu ba pessoal extensionista hodi kompleta ema nain 34 iha munisipiu Lautém.
Reportagen: Veru
Editor: Joenaca Tupa Da Conceição
